SEPTIEMBRE 13, 2023
RUSSIA

“Proud Gid Ako nga Isa Ako ka Saksi ni Jehova!”

I-PLAY

Sa indi madugay, ipahibalo sang Sovietskiy District Court of the City of Oryol ang desisyon sini sa kaso ni Sister Tatyana Piskareva. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Tatyana Piskareva

Natawo: 1956 (Belenikhino, Belgorod Region)

Biograpiya: Nag-obra sia sa accounting firm

Napamana niya si Vladimir sang 1976. May duha sila ka bata

Nakilala niya ang mga Saksi ni Jehova paagi sa iya kaingod. Nanamian sia kay kabuot sa ila kag madamo sila sang nabal-an sa Biblia. Nabawtismuhan sila ni Vladimir sang 1995

Gin-aresto si Vladimir sang Disiembre 9, 2020, kag gindala sa pretrial detention sang Disiembre 11, 2020. Sang ginsulat ini nga artikulo, ara pa sia sa prisuhan

Ang Iya Ginsiling

Ano nga teksto ang nakabulig sa imo nga masarangan ang pagkapriso sang imo bana kag pati man ang imo kaso?

Nakapalig-on gid sa akon ang Salmo 139:4, 5: “Sa wala pa ako makamitlang sing isa ka tinaga, O Jehova, nahibaluan mo na ini. Sa likod kag atubangan ko, ginapalibutan mo ako; kag ginatungtong mo sa akon ang imo kamot.” Sa pinakamabudlay nga tion, padayon ko nga nabatyagan nga kaupod ko si Jehova kag sigurado ako nga paagi sini mabatas ko ang bisan ano nga pagtilaw nga maabot. Napuno sang kalinong ang akon tagipusuon. Mas determinado pa gid ako subong nga sugiran ang iban parte kay Jehova. Proud gid ako nga isa ako ka Saksi ni Jehova!

Pareho kay Tatyana, napabakod kita kag naumpawan kay nabal-an naton nga ginarepresentar naton si Jehova kag kaupod naton sia pirme. Kadungganan naton nga tawgon nga iya mga Saksi.—Isaias 44:8.

Time Line

Disiembre 9, 2020

Gin-raid ang balay nanday Tatyana kag Vladimir. Gin-aresto si Vladimir
Disiembre 11, 2020

Gindala si Vladimir sa pretrial detention center
Oktubre 28, 2021

Ginsugdan ang kaso kontra kay Tatyana
Abril 10, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE