MAYO 2, 2023
RUSSIA

Napalig-on sa Halimbawa sang Pagtuo sang Iban

I-PLAY

Sa indi madugay, ipahibalo sang Leninskiy District Court of Novosibirsk ang desisyon sini sa kaso ni Brother Dmitriy Dolzhikov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Dmitriy Dolzhikov

Natawo: 1978 (Kamyshevka, Rostov Region)

Biograpiya: Nag-obra sia sa pabrika kag konstruksion

Nakilala niya ang mga Saksi ni Jehova sang nagpa-Bible study ang iya nanay. Nag-attend sia sa kombension sang mga Saksi kag nagdayaw sia sa ila gugma kag paghiusa. Nabawtismuhan sia sang 1997

Napangasawa niya si Marina sang 2008

Ang Iya Ginsiling

Paano mo ginhandaan ang paghingabot?

Sang gin-aresto si Brother Dennis Christensen sang 2017, kag sang ulihi ginsentensiahan nga mapriso, namensar ako sang mga paagi kon paano ko mapabakod ang akon pagtuo antes ako arestuhon. Pareho sa ginsiling ni David sa Salmo 26:2, ginpangamuyo ko man nga usisaon ako ni Jehova kag putlion ang akon panghunahuna kag tagipusuon. Ginpangabay ko si Jehova nga buligan ako nga makita ang akon mga kaluyahon. Ginbasa ko liwat ang mga libro pareho sang Proclaimers kag Si Jesus—Ang Dalan, ang Kamatuoran, ang Kabuhi. Ginsaulo ko man ang mga teksto sa Biblia diin nagapromisa si Jehova sa iya mga alagad nga buligan niya sila kon may kabudlayan.

Ano nga kasaysayan sa Biblia ang nakabulig sa imo nga makabatas?

Napalig-on gid ako sa halimbawa ni Elias. Sang nagapalagyo sia sa malain nga rayna nga si Jezebel, kinahanglan gid niya ang bulig ni Jehova. Bilang sabat, wala lamang ginpakita ni Jehova ang iya gahom kundi ginpaumpawan man niya kag ginpasalig si Elias nga wala sia nagaisahanon. Bangod nahibaluan ko nga kaupod ko si Jehova kag handa sia magbulig sa akon, wala na ako nahadlok.

Nagasalig kita nga padayon ni Jehova nga pabakuron si Dmitriy kag kita tanan samtang ginatalupangod Niya ang aton pagtuo kag pagbatas.—Bugna 2:19.

Time Line

Mayo 13, 2022

Ginsugdan ang kaso
Septiembre 8, 2022

Gin-raid ang iya apartment. Ginbutang sia sa temporary detention
Septiembre 9, 2022

Gin-interogar sia kag ginpasakay sa eroplano halin sa Chelyabinsk pakadto sa isa ka pretrial detention center sa Novosibirsk, nga sobra 1,500 ka kilometro ang kalayuon
Nobiembre 11, 2022

Ginsugdan ang hearing
Nobiembre 24, 2022

Ginpagua sa pretrial detention pero gin-house arrest gihapon

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE