Sang Nobiembre 17, 2023, gintay-ug sang magnitude 6.7 nga linog halin sa dagat ang bagatnan sang Pilipinas. Natabo ang linog mga 26 ka kilometro sa bagatnan sang isla sang Mindanao. Sa Davao Region, General Santos City, kag probinsia sang Sarangani, naguba ang sarisari nga mga bilding, lakip ang mga pasilidad sang gobierno, mga eskwelahan, kag mga shopping mall. Madamo man nga balay ang naguba.

• Nasubuan kita nga 1 ka sister ang napatay

• 10 ka kauturan ang nasamaran. Lakip sa ila ang asawa sang isa ka manugtatap sang sirkito nga gindala sa ospital pero stable na ang iya kondisyon

• 4 ka balay ang may daku nga guba

• 4 ka balay ang may gamay nga guba

• 2 ka Kingdom Hall ang may gamay nga guba

• Isa ka Disaster Relief Committee ang gin-asayn para magdumala sang pagbulig

• Ang mga manugtatap sang sirkito kag mga gulang padayon nga nagabisita kag nagapalig-on sa mga naapektuhan sang linog

Ginapangamuyo naton ang mga kauturan nga naapektuhan sini nga linog kag ginapasalamatan ang mga nagaatipan sa ila. Nagasalig kita nga bisan nagakabuhi kita sa sining makahalanguyos kag makakululba nga panahon, si Jehova, ang aton Igang, magahatag sa aton sing kabakod para makabatas.—1 Samuel 2:2.