Shin, Yin Caca Zunubi Ne?
Amsar Littafi Mai Tsarki
Ko da yake Littafi Mai Tsarki bai yi dogon bayani a kan batun caca ba, za mu iya ganewa daga nazarin ka’idodin Littafi Mai Tsarki cewa yin caca zunubi ne a gaban Allah.—Afisawa 5:17. a
Kwadayi ne yake sa mutane su yi caca kuma Allah ba ya son mai kwadayi. (1 Korintiyawa 6:9, 10; Afisawa 5:3, 5) Masu caca suna sa rai za su yi kudi daga hasarar wasu, amma Littafi Mai Tsarki ya haramta yin kyashi.—Fitowa 20:17; Romawa 7:7; 13:9, 10.
Yin caca, ko da da kudi kadan ne, yana iya sa mutum ya zama mai son kudi.—1 Timotawus 6:9, 10.
A yawancin lokuta, masu yin caca suna dogara ne ga camfi ko kuma sa’a. Amma hakan bautar gumaka ne a gaban Allah kuma Allah ba ya amincewa da ibadar wadanda suke da irin wannan halin.—Ishaya 65:11.
Littafi Mai Tsarki ya karfafa mu mu yi aiki da karfinmu don mu ciyar da kanmu, maimakon mu yi sha’awar mallakar abin wasu. (Mai-Wa’azi 2:24; Afisawa 4:28) Wadanda suke bin wannan shawarar Littafi Mai Tsarki suna ‘yin aiki’ domin su sami abinci.—2 Tasalonikawa 3:10, 12.
Caca tana sa mutum ya kasance da halin gasa kuma Littafi Mai Tsarki ya haramta hakan.—Galatiyawa 5:26.
a A cikin Littafi Mai Tsarki, an ambata caca sau daya ne kawai dangane da abin da sojojin Romawa suka yi a kan rigar Yesu domin biya wa kansu muradi.—Matta 27:35; Yohanna 19:23, 24; Contemporary English Version; Good News Translation.
Mai Yiwuwa Za Ka Kuma So
AMSOSHIN TAMBAYOYIN LITTAFI MAI TSARKI
Matsalolin Kudi da Cin Bashi—Littafi Mai Tsarki Zai Iya Taimakawa Kuwa?
Kudi ba ya kawo farin ciki, amma akwai ka’idodin Littafi Mai Tsarki hudu da za su taimaka maka ka magance matsalar kudi.
AMSOSHIN TAMBAYOYIN LITTAFI MAI TSARKI
Mene Ne Ake Nufi da Zunubi?
Akwai zunuban da suka fi wasu muni ne?
GAME DA MU
Ka Aika Sako don A Ziyarce Ka
Za ka so ka san amsar wata tambaya daga Littafi Mai Tsarki ko wani abu game da Shaidun Jehobah.