Fie Wẹ Jiwheyẹwhe Te?
Fie Wẹ Jiwheyẹwhe Te?
11 septembre 2001: To 8:46 afọnnu, agahun de yì hò atọ̀họ̀ agewaji tọn Ahọnkan Ajọwatẹn Aihọn tọn to New York City—yèdọ bẹjẹeji mẹgbeyinyan he nukunbianamẹtọ lẹ nọ yí sọwhiwhe do wleawuna lẹ tọn. To nukunwhiwhe 102 he bọdego lẹ mẹ, nudi gbẹtọ 3000 wẹ kú.
26 décembre 2004
Aigba sisọsisọ he huhlọn etọn sinyẹn taun de fọ́n to Océan Indien mẹ bo hẹn agbówhẹn nuhẹngbletọ lẹ nado gbà ṣinyọ́n otò voovo 11, e tlẹ yin Aflika he dẹn do finẹ na nudi kilomẹtlu 5000. To azán dopo poun gblamẹ, gbẹtọ 150000 wẹ kú kavi bu, podọ hugan gbẹtọ livi dopo wẹ hẹn owhé yetọn bu.
1er août 2009: Dawe owhe 42 mẹvi de to tọjihun pẹvi he nọ họ̀nwezun taun de kùn po visunnu etọn owhe 5 mẹvi de po to whenuena tọjihun lọ gbà do opò tọjihun-glintẹn tọn de go. Otọ́ lọ kú. Ovi etọn luntọ́n, ṣigba e kú to wunkẹngbe. Hẹnnumẹ he jẹflumẹ de dọmọ: “Todido mítọn dai wẹ yindọ azọ́njiawu de na jọ bọ ovi lọ na jẹgangan.”
To whenuena hiẹ hia linlin lẹ gando mẹgbeyinyan nukunbianamẹtọ lẹ tọn po nugbajẹmẹji jọwamọ tọn lẹ po go, kavi pehẹ nugbajẹmẹji mẹdetiti tọn de, be a nọ kanse dewe eyin Jiwheyẹwhe to nuhe to jijọ lẹ mọ ya? Be a nọ kanse dewe eyin e wọnji mí go wẹ ya? Biblu na mí gblọndo homẹmiọnnamẹ tọn de, dile mí na mọ do to hosọ he bọdego mẹ.
[Yẹdide lẹ to weda 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures