Nọ Yiwannamẹ
Nuhahun Lọ
E ma yin lehe azọ̀n wá do wẹ e nọ yì do. Mọdopolọ, vudevude wẹ nuvẹun nọ busẹ. Ṣigba, etẹwẹ a dona wà nado de nuvẹun sọn ahun mẹ?
Ayinamẹ Biblu Tọn
“Mì yí owanyi dogo, na enẹ wẹ gẹdẹ he nọ kọ̀n gbẹtọ lẹ dopọ to aliho pipé de mẹ.”—KOLOSINU LẸ 3:14.
Etẹwẹ wefọ lọ to pinplọn mí? Dagbewiwa na mẹlẹ nọ zọ́n bọ mí nọ vẹ́ po yé po. Eyin mí nọ jọmẹ hẹ mẹlẹ, e na vẹawu dọ mí ni do nuvẹun na yé. Wanyi nọ hùaṣẹ na nuvẹun.
Nue A Gán Wà
Aliho voovo lẹ mẹ wẹ a gán jọmẹ hẹ mẹe wá sọn akọ̀ kavi pipli he a nọ yí nukun pẹvi do pọ́n mẹ lẹ te. Ma dọ dọ nú gẹẹ de ján emi na bayi blo. Delẹ to nue a gán bayi lẹ mẹ die:
Eyin a nọ jọmẹ hẹ mẹdevo lẹ, nuvẹun he a do na yé na busẹ
A gán hẹn họ̀n go na yé, na yé nido biọ họmẹ kavi jo tẹn towe do na yé to ahihun de mẹ.
Tẹnpọn bo nọ dọho pẹẹde po yé po, eyin yé ma tlẹ sè gbè towe ganji.
Eyin nuyiwa yetọn delẹ ma tlẹ nọ jẹ towe ji sọmọ, nọ wà dẹẹdẹ hẹ yé.
Nọ vẹawu yé eyin yé to adán he gbò yé lẹ dọ.
A Gán Sọ Pọ́n Hosọ Ehelẹ
FỌ́N!
Ayinamẹ lẹ Nado Nọ Jijọho mẹ hẹ Mẹdevo Lẹ
Jijọ dagbe tẹlẹ wẹ gán gọalọna mí nado nọ nọ̀ jijọho mẹ hẹ mẹdevo lẹ?
