A Gán Mọ Nuyọnẹn Jiwheyẹwhe Tọn
“Owe-wiwe lẹpo wẹ yin gbigbọdo sọn Jiwheyẹwhe dè.” (2 Timoti 3:16) “Gbigbọdo” he wefọ lọ zan tofi zẹẹmẹdo dọ Jiwheyẹwhe Ganhunupotọ ze linlẹn etọn lẹ do ayiha mẹhe kàn Biblu lẹ tọn mẹ.
Jiwheyẹwhe Jlo Dọ Nuyọnẹn Emitọn Ni Gọalọna We
“Yẹn Jehovah . . . nọ plọn we nado zan gbẹzan he na hẹn ale wá na we, mẹhe nọ deanana we to aliho he ji hiẹ dona zinzọnlin gbọn. Eyin hiẹ na yìn gbedide ṣie lẹ wẹ! To whenẹnu, jijọho towe na wá taidi tọ̀sisa de bọ dodowiwa towe na wá taidi agbówhẹn ohù tọn lẹ.”—ISAIA 48:17, 18.
Dọna dewe dọ Jiwheyẹwhe to hodọna we tlọlọ wẹ nkọ. E jlo dọ a ni vò sọn ahun mẹ bo do ayajẹ sọn din sọyi, e ka sọ to gbesisọ mẹ nado gọalọna we.
Alọgọ Nado Mọ Nuyọnẹn Jiwheyẹwhe Tọn
“Yẹwheho wẹndagbe lọ tọn dona yin didọ to akọta lẹpo mẹ.”—MALKU 13:10.
“Wẹndagbe” ehe bẹ opà he Jehovah do nado de oyà sẹ̀, nado diọ aigba zun paladisi bo fọ́n mẹvivẹ mítọn he kú lẹ sọn oṣiọ lẹ mẹ hẹn. Kunnudetọ Jehovah tọn lẹ nọ lá owẹ̀n he to Biblu mẹ enẹ lẹdo aihọn pé.
