GBẸZAN KLISTIANI TỌN
Dike Nudide Towe lẹ Ni Dohia dọ A Nọ Dejido Jehovah Go
Nudide susu lẹ wẹ mí nọ basi to azán dopodopo ji. Eyin mẹhe to aihọn lọ mẹ lẹ jlo na basi nudide, yé nọ saba wà nuhe jlo yé poun kavi nuhe yé mọ bọ mẹdevo lẹ to wiwà. (Eks 23:2; Hwh 28:26) Amọ́, mẹhe nọ dejido Jehovah go lẹ “nọ hẹn ewọ do ayiha mẹ” bo nọ dike nunọwhinnusẹ́n Biblu tọn lẹ ni deanana yé to whenue yé to nudide lẹ basi.—Hwh 3:5, 6.
Kàn ninọmẹ he mẹ wefọ he to odò lọ lẹ gán gọalọna we nado basi nudide dagbe lẹ te.
PỌ́N VIDEO LỌ NỌ HODO APAJLẸ MẸHE TINDO YISE LẸ TỌN, KAKATI NIDO YIN MẸHE MA WÀMỌ LẸ TỌN—MOSE, KAKATI NIDO YIN FALO, ENẸGODO NA GBLỌNDO NA KANBIỌ HE BỌDEGO:
Nawẹ apajlẹ Biblu tọn de gọalọna mẹmẹsunnu lọ nado basi nudide dagbe gbọn?
