KO RREVÍSTAPE OÑEANALISA | ¿IKATÚPA OIKOVE JEY UMI OMANO VAʼEKUE?
¿Mbaʼépa oiko umi omano vaʼekuégui?
“Che apensa vaʼekue umi omanóva ikatuha oho yvágape, infiérnope térã pe purgatóriope. Che haʼémi ndahaʼeiha la chevuenoitereíva aha hag̃ua yvágape, péro ndahaʼéi avei la cheñañaitereíva aha hag̃uáicha infiérnope. Ha nantendeporãi vaʼekue mbaʼépa pe purgatório. Péro núnka ndatopáiva koʼã mbaʼe la Bíbliape, ajesegínte la hénte heʼívare.” (Lionel)
“Chemitã guive ahendu ojeʼeha entéro umi omanóva ohoha yvágape, péro chéve nachekonvenséi upéva. Che apensa vaʼekue ñamanóvo japaitemaha, ndaiporiveimaha esperánsa.” (Fernando)
¿Mbaʼépa añetehápe oiko umi omano vaʼekuégui? ¿Osufrípa hikuái algún lugárpe? ¿Jahecha jeýnepa chupekuéra? ¿Ikatúnepa algúna ves ñantende porã koʼã mbaʼe? Jahechamína mbaʼépa heʼi la Biblia oikoha umi omano vaʼekuégui ha avei oĩpa esperánsa chupekuéra g̃uarã.
¿Mbaʼépa oiko umi héntegui omano vove?
MBAʼÉPA HEʼI LA BIBLIA: “Umi oikovéva oikuaa omanotaha, péro umi omano vaʼekue ndoikuaavéima mbaʼevete ha ndorresivivéima avei mbaʼevete, opytáma rupi tesaráipe. Opa mbaʼe ikatúva rejapo, rejapo vaʼerã nde pyʼaite guive, pórke reho vove pe sepultúrape ndaikatumoʼãvéima rejapo mbaʼeve, ndaikatumoʼãi repensa ni rekalkula rejapóvo mbaʼeve, upépe opáma arandu” * (Eclesiastés 9:5, 10, NM).
Pe sepultúra orrepresenta pe lugár ohohápe entéro umi omanóva, upépe haʼekuéra noñanduvéima mbaʼeve ha ndaikatuvéima avei ojapo mbaʼeve. Ñapensamína Job ehémplore, haʼe ningo peteĩ kuimbaʼe ojerovia mbarete vaʼekue Ñandejárare. Peteĩ díape ojere vaipaite chupe, operdepa la orekomíva ha omanomba ifamiliakuéra, hiʼarive osẽmba hese kuru ipeupáva. Upémarõ haʼe ojerure Ñandejárape: “Aipotaite chemokañy pe sepultúrape, chereja upépe” (Job 1:13-19; 2:7; 14:13, NM). Péicha ñantende porã Jóbpe g̃uarã pe sepultúra ndahaʼéi hague peteĩ lugár ohotahápe osufrive, síno peteĩ lugár ikatutahápe opytuʼu.
La Biblia oñeʼẽ avei ocho persóna omano vaʼekuére péro upéi oikove jeýva. Koʼã ehémplo tuicha avei ñanepytyvõta ñantende porãve hag̃ua mbaʼépa oiko umi omano vaʼekuégui. (Ehecha pe rrekuádro heʼíva: “ Umi ocho rresurreksión oñemombeʼúva la Bíbliape”.)
Ni peteĩva koʼã ocho apytégui ndeʼíri oho hague yvágape térã ohoha osufri infiérnope. Ñapensamína, ohórire hikuái koʼãichagua lugárpe, katuete omombeʼu vaʼerãmoʼã hapichakuérape, ¿ajépa? Péro la Biblia ndeʼíri mbaʼeve upévagui, síno heʼi umi omano vaʼekue noñanduveimaha mbaʼevete, haʼete ku oketéva. La Biblia heta vése voi okompara umi omanóva umi persóna okévare. Por ehémplo, Lázaro omanórõ guare Jesús heʼi hese ‘okeha hína’ (Juan 11:11-14).
Péro, ¿ikatúnepa “opáy” jey umi omano vaʼekue? ¿Oĩpa esperánsa chupekuéra g̃uarã?
^ párr. 7 Pe palávra “sepultúra” ojepuru jepi ojetradusi hag̃ua Seol (hebréope) ha Hades (griégope). Oĩ avei Biblia omoĩva “infiérno” otradusi jave koʼã palávra, péro ndaipóri ni peteĩ versíkulo ohechaukáva pe Seol térã Hades haʼeha peteĩ lugár ohohápe umi omanóva osufri hag̃ua.
Koʼã téma ikatu ndegusta avei
ÑEMAÑAHA
La Biblia ombohovái koʼã porandu
Jesús ningo orresusita vaʼekue yma heta héntepe. ¿Ikatúpa jaguerovia ojapo jeytaha upéva?
