Ha upéicha jave oipuru porã hikuái pe teknolohía. Péro oĩ avei umi oipuruetereímava pe teknolohía, ha upéva ikatu operhudika chupekuéra pórke:

• saʼive oñeinteresa iñamigokuérare.

• oñeñandu haʼeño ha naisentídoi chupe mbaʼeve.

• opensaiterei ijehénte.

ÑAÑEINTERESA ÓTRORE

Jajapo hag̃ua upéva, tekotevẽ japytaʼimi ha ñañemoĩ ñande rapicha lugárpe. Péro ijetuʼúta jajapo upéva oiméramo tódo el tiémpo ñamaña umi mbaʼe ojehupívare rred sosiálpe, térã pyaʼe pyaʼénte ñakontestáramo umi mensáhe.

Siémpre erresivíramo hetaiterei mensáhe, kon el tiémpo ijetuʼuvéta ndéve reñatende porã hag̃ua peteĩ ne amígore oskrivi jave ndéve. Ha de tánto ke ejapura ekontesta hag̃ua entéro umi mensáhe, ikatu ni nereñemeʼẽi enkuénta peteĩ ne amígo oikotevẽ hague kuri eipytyvõ chupe.

EPENSAMÍNA: ¿Mbaʼéichapa ikatu ehechauka eñeinteresaha ne amigokuérare emensahea jave hendivekuéra? (1 PEDRO 3:8).

ÑAÑEÑANDU ÑANEAÑO

Peteĩ estúdio ohechauka oĩha umi hénte oñeñandu vaietereíva oipuru rire umi rred sosiál. Pórke ohechávo hikuái umi fóto ha komentário ojehupíva upépe, opensa haʼekuéra ndojapoiha mbaʼeve iñinteresantemíva hekovépe.

Avei, jaikóramo ñamañaiterei umi fóto la hénte ohupívare umi rred sosiálpe ha ñañekompara hesekuéra katuete ñañeñandu vaíta. Pórke ñapensáta haʼekuéra ovyʼahárente voi oikoha ha ñande katu ndajajapoiha voi mbaʼevete jajedivertimi hag̃ua.

EPENSAMÍNA: ¿Mbaʼépa ikatu ejapo ani hag̃ua eñekompara umi ótrore eipuru jave umi rred sosiál? (GÁLATAS 6:4).

ÑAPENSAITEREI ÑANDEJEHÉNTE

Peteĩ profesóra ohechakuaa oĩha iñalumnokuéra apytépe umi opensaitereíva ijehénte, ha oelehíva iñamigorã sólamente umi ideprovéchotava chupe. Umichagua hénte noñehaʼãi voi ojapo mbaʼeve iñamigokuéra rehehápe. Ha opensa voi iñamigokuéra ojoguaha peteĩ selulárpe, ikatúva oipuru ogusta vove chupe ha oheja reínte ndaideprovechovéi vove.

EPENSAMÍNA: Emañamína umi mbaʼe epuvlikávare Internétpe ha eñeporandumi: “¿Noiméipa koʼãva ohechauka hína chejejapoha?” (GÁLATAS 5:26).

EPENSA MBAʼÉICHAPA EIPURU LA TEKNOLOHÍA

Eipuru porãramo pe teknolohía ikatúta esegi eñekomunika ne amigokuérandi ha eñemoag̃uive hesekuéra.

Ehecha mbaʼe suherénsiapa eñehaʼãse esegi, térã eskrivi voi mbaʼépa ikatu rejapove.

• Añemongeta che amigokuérandi en persóna askrivínte rangue chupekuéra mensáhe

• Amoĩ en silénsio térã aheja mombyry chehegui che selulár añemongeta jave ótrondi

• Añehaʼã aipuru menomieve umi rred sosiál

• Añehaʼã ajapysaka che amigokuérare ha añemoĩ ilugarpekuéra

• Añekomunika peteĩ che amígo térã che amíga ohasávandi peteĩ situasión ijetuʼúvare