Armageddon fokot eka vattarant zata toslem zhuz nhoi, punn tem sonvsarbhor zata toslem ek zhuz jem sonvsari sorkaram modem ani Deva modem astolem mhunn Bible dakhoita.

•   “Noxttea dutamnim prerit kelʼlim utram . . . akʼkhea prithumechea razam lagim vochon, tankam Sorvxoktivont Devachea vhoddlea disachea zhuza pasot ektthaim kortat. . . . tannim Hebrev bhaxent Armageddon mhunnttat tea zagear soglea razank ektthaim kele.”—Prokasovnni 16:14, 16, NW.

 “Armageddon” hem utor Hebrev utor Har Meghid·dohnaʹ thaun ailam, zacho orth Megiddocho Dongor. Adlea kalla voilea Izraelachea vattarant Megiddo hem ek xar aslem. Taka lagon, thodde lok Armageddon hem zhuz Izraelant zatolem mhunn chintat. Punn Megiddochea vattarant vo Middle East-achea khoinchea-i bhagant ‘akʼkhe prithumeche raza’ ani tanchi soin zaunchinch na.

 Prokasovnni hem pustok boroitana tantuntli mahiti khunnamnim boroilea. (Prokasovnni 1:1) Armageddon mhunnttlear ek umkoch zago nhoi, punn raxttram aplo xevott zaunchea poilim Devachea razvottke add ubim ravtat ti sonvsarbhorchi poristhiti zaun asa.—Prokasovnni 19:11-16, 19-21.