MATRIMONIOS
1. Compromiso
QUE IMPLICA
Os casados que teñen sentido de compromiso ven o seu matrimonio coma unha unión permanente. Isto fai que se sintan seguros. Cada un deles confía en que o outro respectará o compromiso, incluso cando pasen por momentos difíciles.
Algunhas parellas séntense obrigadas a seguir xuntas pola presión da familia ou dos coñecidos. Pero é moito mellor que o sentido de compromiso se basee no amor e no respecto mutuos.
O QUE DI A BIBLIA: “Que o home non repudie á súa muller” (1 Corintios 7:11).
“Se estás comprometido co teu matrimonio, non te ofendes por calquera cousa. É máis fácil perdoar ou pedir desculpas deseguida. Ves os problemas como simples obstáculos e non como motivos de separación” (Micah).
POR QUE É IMPORTANTE
Cando as parellas que non teñen sentido de compromiso se enfrontan ós problemas, é máis fácil que digan “Non estabamos feitos o un para o outro”, e busquen xeitos de romper o matrimonio.
“Moitas persoas casan tendo en mente un plan B: o divorcio. Pero se casas pensando na posibilidade de divorciarte, o sentido de compromiso falta xa dende o principio” (Jean).
QUE PODES FACER
PREGÚNTATE
Cando estades no medio dunha discusión...
-
... arrepínteste de casar coa túa parella?
-
... poste a imaxinar como sería estar con outra persoa?
-
... dis cousas como “voute deixar” ou “vou buscar alguén que me valore de verdade”?
Se respondiches que si aínda que só sexa a unha destas preguntas, é hora de fortalecer o teu sentido de compromiso.
PARA QUE FALEDES EN PARELLA
-
Debilitouse o noso sentido de compromiso? Se é así, por que pasou?
-
Que podemos facer para fortalecelo?
CONSELLOS
-
Escríbelle de cando en vez unha notiña á túa parella para expresarlle o moito que a queres.
-
Demostra que estás comprometido coa túa parella tendo fotos súas no traballo.
-
Chama tódolos días a túa parella, ou mándalle unha mensaxiña, cando non esteades xuntos, por exemplo cando esteas traballando.
O QUE DI A BIBLIA: “O que Deus xuntou, que non o separe o home” (Mateo 19:6).
