E nang waakinaki te rinerine n aaba aika kakaokoro nako n te aonnaba, ni wiki aika imwaira. A a tabe aomata ni karaoi aia motinnano bwa antai te tia kariri ae a na rineia.

 Tera ae E Taekinna te Baibara?

 E katereaki n te Baibara tian aia konabwai taani kairiri aika aomata.

•   “Tai onimakinia natinuea mwaane ke natin te aomata, ae aki kona ni karekea te kamaiu. E otinako ikeikena, ao e okira ngaia te tano, ao a maunanako ana iango n te bong naba anne.”—Taian Areru 146:3, 4.

 A na boni mate naba taani kairiri ake a rangi ni mwaatai n aia kairiri. Irarikin anne, a aki kona n ataia raoi bwa e na waakinako raoiroin aia mwakuri irouia ake a ruamwia ke a na aki.—Te Minita 2:18, 19.

 Ni koauana, e kaotaki n te Baibara bwa a aki karikaki aomata bwa a na tautaekania i bon irouia.

•   “Tiaki naba ana bwai te aomata kairani maiuna.”—Ieremia 10:23.

 Iai ae e kona ni karaoa te kairiri ae raoiroi ni boong aikai?

 E kabwarabwaraa te Baibara bwa e a tia te Atua n rinea te tia kairiri ae rangi ni mwaatai ao ni kona n onimakinaki: Iesu Kristo. (Taian Areru 2:6) Iesu bon te Uea n Ana Tautaeka n Uea te Atua, ae te tautaeka ae kairiri mai karawa.—Mataio 6:10.

 Ko na butimwaea ana kariri Iesu? E katuruturuaki kakawakin te titiraki anne n te Baibara:

•   “Karinea te nati bwa e kaawa n roko unin te Atua ao kam na aki mauna, bwa E waekoa n urarake unna. A a kukurei te koraki nako aika kamanoia Irouna.”—Taian Areru 2:12.

 Aio ngkai am tai ni karaoa am motinnano. E kaotaki n ana taetae ni burabeti te Baibara bwa e moana ana kairiri Iesu n te ririki 1914 ao e na waekoa Ana Tautaeka n Uea te Atua n onei mwin aia tautaeka ni kabane aomata.—Taniera 2:44.

 Ngkana ko kan ataa riki arom ni boutokaa ana kairiri Iesu, wareka te kaongora ae “Boutokaa Ngkai Ana Tautaeka n Uea te Atua!”