1. Yehowa jɛ suɔmɔŋ

Ekɛ e-Bi lɛ hã wɔ

Koni agbe wɔhe eshai,

Ni ajie gbele kɛya.

Kɛ́ wɔtsake wɔtsui lɛɛlɛŋ,

Ni wɔkpa Yehowa fai,

Kpɔmɔnɔ hewɔ, eboɔ toi;

Ekɛ eshai baake wɔ.

2. Kɛ́ wɔkɛ tɔmɔi ke,

Nyɔŋmɔ baana wɔ mɔbɔ.

Okɛ nyɛmimɛi ahi shi

Yɛ suɔmɔ kɛ woo fɛɛ mli.

Too otsui shi ohã amɛ,

Amɛtɔmɔi, kɛke kwraa.

Kaahã amɛye awrɛho.

No tsɔɔ anɔkwa suɔmɔ.

3. Mɔbɔnalɛ hi waa;

Hã wɔjie su nɛɛ kpo daa.

No hãŋ wɔkɛ mɛi ahi naa,

No hãŋ wɔhe atsɛ̃ mɛi.

Kɛji wɔkase Yehowa,

Mɔ ni suɔmɔ nɔ bɛ kwraa,

Wɔkɛ mɛi atɔmɔi baake,

Ni wɔbaatamɔ Nyɔŋmɔ.