E DAUNIVAKASALA ena dua na koronivuli torocake e Sauca Korea o Soo-Jeong, qai dau vakayagataka ena nona veivakavulici na vidio ena website na jw.org. E kaya: “Dua na ka nodra taleitaka na gonevuli na vidio O Cei na iTokani Dina? Nira sarava oti na vidio, era kaya ni dua na iwalewale vou ni veivakavulici ya. Era vulica kina na veika era sega tu ni bau vakasamataka me baleta na veitokani. Era kaya tale ga eso nira na qara ivakasala ena website.” E kaya o Soo-jeong: “Au vakatututaka na vidio qo vei ira e levu na qasenivuli ra qai kaya ni yaga vakalevu ena nodra veivakavulici.”

Era taleitaka tale ga e levu na gonevuli e Sauca Korea na vidio iWali ni Veisagai. A vakaraitaka na vidio qori vei ira eso na gone e dua na marama e cakacaka ena isoqosoqo e dau vukei ira na gone mera kua ni coko ena basulawa (Juvenile Violence Prevention). E kaya: “Era qoroya e levu na gone na totoka ni droini. Era taleitaka tale ga na vidio ni vakamacalataka na ka me cakava e dua ke vakasagai.” A vakadonui na kerekere ni isoqosoqo sa cavuti oti mai, me okati na vidio ena kena porokaramu ni veivakavulici e dau vakayagataki ena levu na koronivuli. Era sa vakayagataka tale tiko ga na ovisa na vidio ena website na jw.org.

Ke o se sega ni rai ena website na jw.org, rai mada kina. E vakarautaki na idusidusi me vakarawarawataka nomu vaqaqara. E rawa tale ga ni download wale na katokatoni, vidio, iVolatabu, kei na levu tale na ivola.