Same 119:1-176
-
Marautaka na vosa talei ni Kalou
-
“Savasava tiko ga vakacava na nona ivalavala na cauravou? (9)
-
“Dau taleitaka na nomuni veivakadreti” (24)
-
“Taleitaka na nomuni lawa!” (97)
-
“Yalomatua sara vei ira kece na noqu qasenivuli” (99)
-
“Nomuni vosa na cina ina yavaqu” (105)
-
“Usutu ni nomuni vosa na ka dina” (160)
-
Ra vakacegu na lomana na lawa ni Kalou (165)
-
א [Alefa]
119 Era marau o ira na sega ni cala* ena nodra ilakolako,Era muria na lawa i Jiova.+
2 Era marau o ira na muria na nona veivakadreti,+Era vaqarai koya ena lomadra taucoko.+
3 Era sega ni tawayalododonu ena nodra itovo,Era muria na nona sala.+
4 Oni vakarotaMe muri vinaka sara na nomuni ivakaro.+
5 Keu rawa mada ga ni tudei*+Meu muria kina na nomuni lawa!
6 Au na sega ni vakamadualaki+Keu vakasamataka na nomuni ivakaro kece.
7 Au na vakacaucautaki kemuni ena dodonu ni lomaquNiu vulica na dodonu ni nomuni lewa.
8 Au na muria na nomuni lawa.
Moni kua ni biuti au vakadua.
ב [Peca]
9 Ena savasava tiko vakacava na nona ivalavala na cauravou?
Ke qaqarauni tiko me salavata kei na nomuni vosa.+
10 Au vaqarai kemuni ena lomaqu taucoko.
Kua ni laiva meu lako sese mai na nomuni ivakaro.+
11 Au vakamareqeta dina e lomaqu na nomuni vosa+Meu kua kina ni valavala ca vei kemuni.+
12 Moni vakacaucautaki mada ga, i Jiova,Ni vakavulici au ena nomuni lawa.
13 Au kacivaka ena tebenigusuquNa lewa kece oni tukuna.
14 Au marautaka vakalevu na nomuni veivakadreti+Mai na veika talei tale eso.+
15 Au na vakasamataka vakabibi* na nomuni ivakaro+Qai dei na mataqu ena nomuni sala.+
16 Au taleitaka na nomuni lawa.
Au na sega ni guilecava na nomuni vosa.+
ג [Kimela]
17 Moni yalovinaka ena ka oni cakava vua na nomuni dauveiqaravi,Meu rawa ni bula qai muria na nomuni vosa.+
18 Dolava na mataqu meu raica vinakaNa veika veivakurabuitaki ena nomuni lawa.
19 Au vulagi ga ena vanua.+
Kua ni vunitaka vei au na nomuni ivakaro.
20 Au vinakata tu gaNa nomuni lewa e veigauna.
21 Oni vunauci ira na viavialevu,O ira na cudruvi era lako sese mai na nomuni ivakaro.+
22 Kauta tani vei au* na veicati kei na veibeci,Niu sa muria na nomuni veivakadreti.
23 Nira dabe vata mada ga na turaga mera vosavakacacataki au,Na nomuni dauveiqaravi e vakasamataka vakabibi* na nomuni lawa.
24 Au dau taleitaka na nomuni veivakadreti,+Era noqu daunivakasala.+
ד [Teleca]
25 Au sa davo vakatoboicu ena kuvuniqele.+
Ni vakabulai au tiko me vaka na nomuni vosa.+
26 Au sa tukuna vei kemuni na noqu ivalavala, oni qai rogoci au,Vakavulici au ena nomuni lawa.+
27 Ni vukei au meu kila na ibalebale* ni nomuni ivakaro,Meu rawa ni vakasamataka vakabibi* na nomuni cakacaka veivakurabuitaki.+
28 Au sega ni moce rawa ena noqu yaluma.
Vakaukauataki au me vaka ga na nomuni vosa.
29 Kauta laivi vei au na ivakarau e veivakaisini,+Qai lomani au, ni oni solia mai na nomuni lawa.
30 Au sa digia meu yalodina tu ga.+
Au kila nira dodonu na nomuni lewa.
31 Au sa taura matua na nomuni veivakadreti.+
Kemuni Jiova, kua ni laiva meu rarawa.*+
32 Au na gumatua ni muria* na nomuni ivunauNi oni sa vakalevutaka na lomaqu meu kila.*
ה [Ai]
33 Ni vakavulici au, i Jiova,+ ena nomuni lawa,Au na qai muria me yacova na icavacava.+
34 Ni solia vei au na yalomatua,Meu rawa ni muria na nomuni lawaQai dei kina ena lomaqu taucoko.
35 Ni dusimaki au* ena nomuni ivakaro,+Niu marautaka vakalevu.
36 Ni vagolea na lomaqu ina nomuni veivakadreti,Me kua ga ina yalokocokoco.*+
37 Ni vagolea tani na mataqu meu kua ni raica na ka tawayaga,+Ni vakabulai au tiko ena nomuni sala.
38 Ni vakayacora na nomuni yalayala* vua na nomuni dauveiqaravi,Moni rerevaki kina.*
39 Ni kauta laivi na veivakamadualaki au domobulataka,Nira vinaka na nomuni lewa.+
40 Ni raica na noqu dau diva na nomuni ivakaro.
Ni vakabulai au tiko ena nomuni yalododonu.
ו [Vau]
41 Kemuni Jiova, meu vakila na dei ni nomuni loloma,+Na nomuni veivakabulai me vaka na nomuni yalayala,*+
42 Au na qai tauca na vosa vei koya e beitaki au tiko,Niu vakararavi ina nomuni vosa.
43 Ni kua ni kauta tani vakadua na vosa ni ka dina mai gusuqu,Niu vakanuinui tu ena* nomuni lewa.
44 Au na dei tiko ena nomuni lawa,Me tawamudu, io me tawamudu.+
45 Au na qai lako voli ena vanua ni veitaqomaki,*+Niu qara na nomuni ivakaro.
46 Au na tukuna na nomuni veivakadreti e matadra na tui,Au na sega tale ga ni madua.+
47 Au taleitaka na nomuni ivakaro,Io, au dau lomana.+
48 Au na laveta na ligaqu ina nomuni ivakaro, au dau lomana,+Au na vakasamataka tale ga vakabibi* na nomuni lawa.+
ז [Sayini]
49 Ni nanuma na nomuni vosa* vua na nomuni dauveiqaravi,Oni solia kina vei au na inuinui.*
50 Qo na ka e vakaceguya noqu rarawa,+Ni nomuni vosa e vakabulai au tiko.
51 Era dredrevaki au na viavialevu,Ia au sega ni gole tani mai na nomuni lawa.+
52 Au nanuma na nomuni lewa mai na gauna makawa,+ i Jiova,Au kunea kina na vakacegu.+
53 Sa tuburi au na cudru katakata ena vukudra na daucaka ca,O ira na biuta na nomuni lawa.+
54 Na nomuni lawa era noqu sereEna vanua cava ga au vakaitikotiko kina.*
55 Au nanuma na yacamuni ena loma ni bogi, i Jiova,+Meu muria kina na nomuni lawa.
56 Qo na ka au dau cakavaNiu muria na nomuni ivakaro.
ח [Eca]
57 E noqu ivotavota o Jiova,+Au sa yalataka meu dei ena nomuni vosa.+
58 Au vakamamasu vei kemuni* ena lomaqu taucoko,+Ni nanumi au+ me vaka na nomuni yalayala.*
59 Au sa vakadikeva na noqu sala,Meu vagolea lesu kina na yavaqu ina nomuni veivakadreti.+
60 Au vakusakusa qai sega ni vakaberaberaMeu muria na nomuni ivunau.+
61 Na dali ni daucaka ca e wavoliti au,Ia au sega ni guilecava na nomuni lawa.+
62 Au duri ena bogilevu tutu meu vakavinavinaka vei kemuni+Ena dodonu ni nomuni lewa.
63 Au nodra itokani kece na rerevaki kemuniO ira tale ga na muria na nomuni ivakaro.+
64 Kemuni Jiova, e vakasinaiti vuravura na dei ni nomuni loloma,+Ni vakavulici au ena nomuni ivakaro.
ט [Teca]
65 Oni sa caka vinaka vua na nomuni dauveiqaravi,I Jiova, me vaka ga na nomuni vosa.
66 Ni vakavulici au ena lewamatau kei na kilaka,+Niu nuitaka na nomuni ivunau.
67 Au dau lako sese tu ni bera noqu vakararawataki,*Ia qo au sa dei ena nomuni vosa.+
68 Oni rui vinaka,+ e vinaka tale ga na nomuni cakacaka.
Ni vakavulici au ena nomuni lawa.+
69 Era beitaki au vakailasu na viavialevu,Ia au dau muria na nomuni ivakaro ena lomaqu taucoko.
70 Na lomadra e sega ni vakila na ka,*+Ia au taleitaka na nomuni lawa.+
71 E vinaka niu vakararawataki,+Meu vulica kina na nomuni lawa.
72 Na lawa oni cavuta e vinaka vei au,+Mai na vica vata na udolu na tiki ni koula kei na siliva.+
י [Yota]
73 E buli au na ligamuni qai vakarautaki au.
Ni solia vei au na yalomatua,Meu vulica kina na nomuni ivakaro.+
74 O ira na rerevaki kemuni era raici au qai marau vakalevu,Ni nomuni vosa e noqu inuinui.*+
75 Au kila, kemuni Jiova, ni dodonu na nomuni lewa+Oni qai vakararawataki au ena nomuni yalodina.+
76 Me vakacegui au na dei ni nomuni loloma,+Me vaka na nomuni yalayala* vua na nomuni dauveiqaravi.
77 Ni vakaraitaka vei au na yalololoma, meu bula tiko ga kina,+Niu taleitaka na nomuni lawa.+
78 Mera vakamadualaki na viavialevu,Ni sega na vuna* mera vakacalai au kina.
Ia au na vakasamataka vakabibi* na nomuni ivakaro.+
79 Mera lesu mai vei au na rerevaki kemuni,O ira na kila na nomuni veivakadreti.
80 Me muria sara vakavinaka na lomaqu na nomuni lawa,+Meu kua kina ni vakamadualaki.+
כ [Kafa]
81 Au diva vakalevu na nomuni veivakabulai,+Ni nomuni vosa e noqu inuinui.*
82 Na mataqu e diva vakalevu na nomuni vosa,+Niu kaya: “Oni na vakacegui au enaica?”+
83 Niu sa vaka na tavaya kulinimanumanu sa raqosa ena kubou,Ia au sega ni guilecava na nomuni lawa.+
84 Me vica na siga me wawa tiko kina na nomuni dauveiqaravi?
Oni na tauca enaica na lewa vei ira na vakacacani au tiko?+
85 Era kelia na kequ qara na viavialevu,O ira na beca na nomuni lawa.
86 E nuitaki vakaoti na nomuni ivakaro kece.
Era vakacacani au na tamata ni sega na vuna, ni vukei au!+
87 Era voleka sara ni vakawabokotaki au mai vuravura,Ia au sega ni biuta na nomuni ivakaro.
88 Ni vakabulai au tiko ena vuku ni dei ni nomuni loloma,Meu dei kina ena veivakadreti oni tukuna.
ל [Lameta]
89 Kemuni Jiova, ena tu ga,Me tawamudu na nomuni vosa mai lomalagi.+
90 Na nomuni yalodina e yaco sara ina itabatamata kece.+
Oni sa vakataudeitaki vuravura me tu ga.+
91 E* tu ga me yacova mai nikua ena nomuni lewa,Nira nomuni dauveiqaravi kece.
92 Keu a sega ni dau taleitaka na nomuni lawa,Keu sa rusa ena noqu rarawa.+
93 Au na sega vakadua ni guilecava na nomuni ivakaro,Qori ga na ka e maroroi au meu bula tiko.+
94 Au sa nomuni, ni vakabulai au,+Niu vakasaqara na nomuni ivakaro.+
95 E wawa na daucaka ca me vakarusai au,Ia au rogoca vinaka na nomuni veivakadreti.
96 Au sa raica ni vakaiyalayala na ka uasivi kece,Ia na nomuni ivakaro e sega na kena iyalayala.*
מ [Memi]
97 Dua na ka noqu taleitaka na nomuni lawa!+
Au vakasamataka vakabibi* ena siga taucoko.+
98 Na nomuni ivunau sa vakavukui au cake vei ira na kequ meca,+Ni tu ga kei au me tawamudu.
99 Au yalomatua sara vei ira kece na noqu qasenivuli,+Niu dau vakasamataka vakabibi* na nomuni veivakadreti.
100 Au yalomatua cake vei ira na qase ena ka au cakava,Niu muria na nomuni ivakaro.
101 Au sega ni via lakova na sala ca,+Meu dei kina ena nomuni vosa.
102 Au sega ni gole tani mai na nomuni lewa,Ni oni vakavulici au.
103 Dua na ka na kamikamica ni nomuni vosa ina gadroqu,Vakalailai na oni ena gusuqu!+
104 Au yalomatua ena vuku ni nomuni ivakaro.+
Oya na vuna au cata kina na sala lasu kece ga.+
נ [Nuni]
105 Na nomuni vosa na cina ina yavaqu,Kei na rarama ena noqu sala.+
106 Au sa cavuta na bubului, au na vakayacora sara,Meu muria kina na dodonu ni nomuni lewa.
107 Au sa vakararawataki vakalevu.+
I Jiova, ni vakabulai au tiko me vaka na nomuni vosa.+
108 Yalovinaka Jiova, ni vakadonuya na noqu isolisoli sega ni lavaki ni vakavinavinaka,*+Ni vakavulici au tale ga ena nomuni lewa.+
109 Na noqu bula e rivarivabitaki tu ga,Ia au sega ni guilecava na nomuni lawa.+
110 Era sa biria na kequ dai na daucaka ca,Ia au sega ni lako sese mai na nomuni ivakaro.+
111 Au sa taura na nomuni veivakadreti me noqu ivotavota tudei,Nira ka ni marau ina lomaqu.+
112 Au sa nakita* meu talairawarawa ena nomuni lawaEna veigauna, me yacova na icavacava.
ס [Sameki]
113 Au cati ira na lomalomarua,*+Ia au lomana na nomuni lawa.+
114 Oni noqu ivakaruru kei na noqu isasabai,+Ni nomuni vosa e noqu inuinui.*+
115 Kua ni torovi au mai, kemuni na tamata ca,+Meu muria kina na ivakaro ni noqu Kalou.
116 Ni tokoni au me vaka oni a yalataka,*+Meu rawa ni bula tiko,Kua ni laiva me matewale* na noqu vakanuinui.+
117 Ni tokoni au meu rawa ni vakabulai,+Au na qai vakasamataka tiko ga na nomuni lawa.+
118 Oni cati ira kece na gole tani mai na nomuni lawa,+Nira lasulasu qai dauveivakaisini.
119 Oni biuta laivi na daucaka ca kece kei vuravura me vaka ga era denikaukamea tawayaga.+
Oya na vuna au lomana kina na nomuni veivakadreti.
120 Na nomuni vakadomobula e sautaninini kina na yagoqu,*Au rerevaka na nomuni lewa.
ע [Ayini]
121 Au sa cakava na ka dodonu au qai yalododonu.
Ni kua ni soli au vei ira na dau veivakasaurarataki!
122 Ni vakadeitaka me tikovinaka na nomuni dauveiqaravi,Mera kua ni vakasaurarataki au na viavialevu.
123 Sa malumalumu na mataqu niu waraka tiko na nomuni veivakabulai+Kei na dina ni nomuni yalayala.*+
124 Ni vakaraitaka na dei ni nomuni loloma vua na nomuni dauveiqaravi,+Qai vakavulici au ena nomuni lawa.+
125 O yau na nomuni dauveiqaravi, solia vei au na yalomatua,+Meu kila kina na nomuni veivakadreti.
126 Sa yaco mai na gauna me yavala kina o Jiova,+Nira beca na nomuni lawa.
127 Oya na vuna au lomana kina vakalevu na nomuni ivakaroMai na koula, na koula savasava mada ga.+
128 Au raica gona ni donu na nomuni ivakasala* kece,+Au cata na sala lasu kece ga.+
פ [Pe]
129 E veivakurabuitaki na nomuni veivakadreti.
Oya na vuna au muria kina.
130 E veivakararamataki na vakatakilai ni nomuni vosa,+E vakayalomatuataki ira na yalowai.+
131 Au dolava vakalevu na gusuqu au qai vutugu,*Niu diva voli na nomuni ivakaro.+
132 Ni golevi au mai qai lomani au,+
Me salavata ga kei na nomuni lewa vei ira na lomana na yacamuni.+
133 Ni dusimaka vakavinaka* na noqu ilakolako ena nomuni vosa,Me kua ni dua na ka ca me lewai au.+
134 Ni vakabulai* au vei ira na dau veivakasaurarataki,Au na qai dei ena nomuni ivakaro.
135 Me serau* na matamuni vua na nomuni dauveiqaravi,+Qai vakavulici au ena nomuni ivakaro.
136 Sa drodro mai na wainimataquNira sega ni dei na tamata ena nomuni lawa.+
צ [Sati]
137 Oni yalododonu i Jiova,+Qai dodonu na nomuni lewa.+
138 E dodonu na nomuni veivakadretiQai nuitaki vakaoti.
139 Sa kani au na noqu yalogu,+Nira sa guilecava na kequ meca na nomuni vosa.
140 E savasava sara na nomuni vosa,+E dau taleitaka tale ga na nomuni dauveiqaravi.+
141 Au ka wale qai beci,+Ia au sega ni guilecava na nomuni ivakaro.
142 Na nomuni yalododonu e tawamudu,+Na nomuni lawa tale ga na ka dina.+
143 Ke mani yacovi au na leqa kei na ka dredre,Au taleitaka tiko ga na nomuni ivakaro.
144 Na dodonu ni nomuni veivakadreti e tawamudu.
Ni solia vei au na yalomatua,+ meu bula tiko kina.
ק [Kofa]
145 Au kaci yani ena lomaqu taucoko. Ni rogoci au mai, i Jiova.
Au na muria na nomuni lawa.
146 Au kaci yani vei kemuni, vakabulai au!
Au na dei ena nomuni veivakadreti.
147 Au yadra ni bera na kida ni mataka* meu tagi ni kere veivuke,+Ni nomuni vosa e noqu inuinui.*
148 E tadola na mataqu ni bera na gauna ni yadra ena bogi,Meu rawa ni vakasamataka vakabibi* na nomuni vosa.+
149 Ni rogoca na domoqu ena vuku ni nomuni loloma e dei.+
I Jiova, ni vakabulai au tiko me vaka na nomuni lewadodonu.
150 Era toro voleka mai na cakava na ivalavala vakamadua,*Era sa yawaka na nomuni lawa.
151 Oni sa voleka sara, i Jiova,+Qai dina na nomuni ivunau kece.+
152 Au sa vulica makawa sara na nomuni veivakadreti,Oni vakataudeitaka me tawamudu.+
ר [Resi]
153 Ni raica na noqu rarawa qai vakabulai au,+Niu sega ni guilecava na nomuni lawa.
154 Ni totaki au* qai vakabulai au,+Ni vakabulai au tiko me salavata kei na nomuni yalayala.*
155 E yawa sara vei ira na daucaka ca na veivakabulai,Nira sega ni vakasaqara na nomuni lawa.+
156 Na nomuni yalololoma e cecere, i Jiova,+Ni vakabulai au tiko me salavata kei na nomuni lewadodonu.
157 Era le levu na dau vakacacani au kei ira na kequ meca,+Ia au sega ni gole tani mai na nomuni veivakadreti.
158 Au raici ira na dauveivakaisini mera vakasisila,Nira sega ni muria na nomuni vosa.+
159 Ni raica mada na noqu lomana na nomuni ivakaro!
Kemuni Jiova, ni vakabulai au tiko ena vuku ni dei ni nomuni loloma.+
160 Na usutu ni nomuni vosa na ka dina,+Kei na dodonu ni nomuni lewa kece ena tawamudu.
ש [Sini] se [Sayini]
161 Era vakacacani au na turaga+ ni sega na vuna,Ia na lomaqu e qoroya tu ga na nomuni vosa.+
162 Au marautaka vakalevu na nomuni vosa+Me vaka e dua e kunea e levu na itokinivalu.
163 Au cata na lasulasu—au sevaka+—Au lomana na nomuni lawa.+
164 Au vakacaucautaki kemuni vakavitu ena dua na sigaNi dodonu na nomuni lewa.
165 E levu sara na nodra vakacegu na dau lomana na nomuni lawa,+E sega ni dua na ka e rawa ni vakatarabetaki ira.
166 Au nuitaka na nomuni veivakabulai, i Jiova,Au muria tale ga na nomuni ivakaro.
167 Au muria na nomuni veivakadreti,Au lomana tale ga vakalevu.+
168 Au muria na nomuni ivakaro kei na nomuni veivakadreti,Ni oni kila vinaka na ka kece au cakava.+
ת [Tau]
169 Me yaco yani vei kemuni na noqu tagi ni kere veivuke, i Jiova.+
Ni solia vei au na yalomatua me vaka na nomuni vosa.+
170 Me yaco yani e matamuni na noqu kerekere.
Ni vakabulai au, me vaka ga oni yalataka.*
171 Me vuabale ena tebenigusuqu na veivakacaucautaki,+Ni oni vakavulici au ena nomuni lawa.
172 Me seretaka na yamequ na nomuni vosa,+Ni dodonu kece na nomuni ivakaro.
173 Me tu vakarau mada ga na ligamuni me vukei au,+Niu digia meu talairawarawa ina nomuni ivakaro.+
174 Kemuni Jiova, au diva vakalevu na nomuni veivakabulai,Au taleitaka tale ga na nomuni lawa.+
175 Ni vakabulai au meu vakacaucautaki kemuni,+Me vukei au na nomuni lewa.
176 Au sa lako sese me vaka na sipi sa yali.+ Ni vaqara na nomuni dauveiqaravi,Niu sega ni guilecava na nomuni ivunau.+
iVakamacala e ra
^ Se “na yalodina voli.”
^ Ipe., “Me vakataudeitaki na noqu sala.”
^ Se “Au na vulica.”
^ Ipe., “Vaqiqica laivi vei au.”
^ Se “e vulica.”
^ Ipe., “sala.”
^ Se “ni vulica.”
^ Se “vakamadualaki.”
^ Ipe., “ni ciciva.”
^ Se rawa ni, “Ni oni vakanuideitaka na lomaqu.”
^ Se “Ni vakavuna meu muria.”
^ Se “ina rawatubu.”
^ Se “nomuni vosa.”
^ Se rawa ni, “Me rawa ni caka vei ira na rerevaki kemuni.”
^ Se “nomuni vosa.”
^ Se “Au waraka na.”
^ Se “ena vanua vakacirigalala.”
^ Se “Au na vulica.”
^ Se “nomuni vosa ni yalayala.”
^ Se “Oni cakava meu waraka.”
^ Se “Ena vale au tiko vulagi kina.”
^ Se “Au vakamalumutaka na (qara na matadredredre ni) matamuni.”
^ Se “nomuni vosa.”
^ Se “E vakacalaka na noqu valavala ca.”
^ Ipe., “sega ni vakila, vaka na uro.”
^ Se “Au waraka na nomuni vosa.”
^ Se “vaka na vosa.”
^ Se rawa ni, “Nira lasu.”
^ Se “au na vulica.”
^ Se “Au sa waraka na nomuni vosa.”
^ Oya na nona cakacaka kece ni bulibuli.
^ Ipe., “e rabailevu sara ga.”
^ Se “vulica.”
^ Se “Au vulica.”
^ Ipe., “na isolisoli sega ni lavaki ni gusuqu.”
^ Ipe., “Au sa vagolea na lomaqu.”
^ Se “na tamata e wase rua na lomadra.”
^ Se “Au waraka na nomuni vosa.”
^ Se “me vaka na nomuni vosa.”
^ Se “me vakamadualaki.”
^ Ipe., “lewe.”
^ Se “nomuni vosa.”
^ Se “ivakaro.”
^ Ipe., “cegulevu.”
^ Se “Vakadeitaka noqu ilakolako.”
^ Ipe., “Ni volia lesu.”
^ Se “Ni matadredredre.”
^ Se “yadra ena malawa ni mataka.”
^ Se “Au sa waraka na nomuni vosa.”
^ Se “ni vulica.”
^ Se “na ivalavala torosobu.”
^ Se “Ni valataka na noqu kisi ni veilewai.”
^ Se “nomuni vosa.”
^ Se “me vaka na nomuni vosa.”
