Era Vakatabuya na iVakadinadina i Jiova Eso na iYaloyalo, iVola se Sere?
Sega. Na neimami isoqosoqo e sega ni dau dikeva vakamatailalai eso na iyaloyalo, ivola se sere me lewa kina na ka mera kua ni raica na lewe ni soqosoqo. Na vuna?
E veiuqeti na iVolatabu mera dui ‘vakayagataka nodra vakasama’ mera vakaduiduitaka na ka e donu mai na ka e cala.—Iperiu 5:14.
Era volai tu ena iVolatabu eso na ivakavuvuli ena vakalewa kina na lotu vaKarisito na ka ni veivakamarautaki cava me digia. a Keimami nakita dei ena neimami bula taucoko me keimami “vakadeitaka tiko ga na ka e vakadonuya na Turaga.”—Efeso 5:10.
E kaya na iVolatabu nira lewa na ulunivuvale yadua na nodra dui vuvale, de dua era na vakatulewataka eso na ulunivuvale na ka ni veivakamarautaki me kua ni caka ena vuvale. (1 Korinica 11:3; Efeso 6:1-4) Ia ena taudaku ni vuvale e sega ni dua e tu vua na lewa me vakatabuya eso na iyaloyalo, sere, se dau lagasere ena ivavakoso.—Kalatia 6:5.
a Kena ivakaraitaki, na iVolatabu e vakatabuya na veika e uqeta na vakatevoro, veiyacovi vakasisila, kei na ivalavala kaukaua.—Vakarua 18:10-13; Efeso 5:3; Kolosa 3:8.
Rawa ni o Wilika Tale ga
RA TAROGA NA ITABAGONE
E Dodonu Meu Kauaitaka na iVakatagi Au Digia?
E dau vakayaco ka vakalevu na ivakatagi. Tovolea mo digia vakavuku na sere o rogoca.
DROINI YAVALA
Na Vidio Game: O sa Qaqa Tiko?
E rawa ni marautaki na vidio game, ia e rawa tale ga ni veivakaleqai. Cava mo cakava mo kua kina ni vakaleqai, mo rawa ni qaqa kina?
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.