JULAI 10, 2023
RUSIA

Totogitaki e Tolu na Tacida Yalewa e Komsomolsk-on-Amur

SARAVA/ROGOCA

Ena ika23 ni Maji 2023, e kaya na mataveilewai na Centralniy District Court of Komsomolsk-on-Amur e Rusia, ni ratou cala o Sister Tatyana Bondarenko, Sister Yelena Nesterova kei Sister Tatyana Svoboda. E rube na nodratou kisi me lima na yabaki. Ratou na sega ni bala e valeniveivesu

Kedratou iTukutuku

Tatyana Bondarenko

Sucu: 1960 (Komsomolsk-on-Amur, Yasayasa o Khabarovsk)

Me baleti koya: Cakacaka ena kabani e dau qaqi kina na covuata, oti e cakacaka ena tabana ni sasamaki

Rau vakamau kei Vladimir ena 1992. Tolu na luvedrau tagane

Tekivu vulica na iVolatabu ni oti nona kila na inaki ni Kalou me baleta na kawatamata kei na nona yalataka na bula ena vuravura parataisi. Papitaiso ena 2005

Ka e Tukuna

O vakila vakacava na veivuke i Jiova ena gauna dredre qo?

E sega ni tiko ena dina o watiqu. E curu tu e valenibula ni caka e vale na vaqaqara. E saga me qiriti au ni ratou vakasukai koya mai vale na vuniwai. Ia keirau sega ni veivosaki rawa ni ratou sa vesuka na noqu talevoni na ovisa. Ni oti na noqu vaqaqai ena yakavi, au volia sara noqu talevoni. Au qiriti watiqu qai vakamacalataka vua na ka e yaco. Dua na ka na neirau lomaleqa. Ia au kerea vei Jiova me solia vei keirau na lomavakacegu. Ni keirau lesu i vale, e vukei au vakayalololoma o watiqu ena sasamaki kei na kena biu vinaka tale na neirau iyaya. E uqeti au na ka e yaco qo meu nuitaki Jiova ga vakalevu.

Yelena Nesterova

Sucu: 1967 (Komsomolsk-on-Amur)

Me baleti koya: E cakacaka tu e liu vaka daunifika

Rua na luvena yalewa, e takali e dua vei rau ena 1998

E mai kilai keda na iVakadinadina i Jiova ni nona loya e dua na tacida. E qoroya na noda dau dina kei na kena saumi na nona taro ni vakayagataki na iVolatabu. Papitaiso ena 1997

Ka e Tukuna

Na cava o vulica ena gauna dredre qo?

Au vulica ni bibi na noda dau talairawarawa ina veidusimaki. Ni oti ga vakalailai na noqu beitaki ena basulawa, e kaya vei au e dua na tacida tagane meu vakarautaka na otioti ni noqu vosa ina mataveilewai. E dau caka qori ena itinitini ni veilewai, au veinanuyaka gona, ‘E se bera mada ga ni tekivu noqu veilewaitaki.’ Ia au mani masulaka qai vakatulewataka meu vola na veika meu tukuna. E totolo na noqu veilewaitaki, au rawa gona ni vakamacala vinaka ina mataveilewai niu vakavakarau vinaka. E yaga gona vakalevu na noqu talairawarawa ina nodra ivakasala na tacida ke sega mada ga ni matata vei au.

Meda masuti Jiova me vakalougatataki ratou qai vukei ratou na tacida yalewa qo me ratou yalodina tiko ga ena gauna dredre qo.—Ruci 2:12.

Veitaravi ni Gauna

Seviteba 21, 2021

Vaqaqai ena basulawa o Tatyana Svoboda
Okotova 18, 2021

Rau vaqaqai tale ga o Tatyana Bondarenko kei Yelena Nesterova
Okotova 20, 2021

Caka na vaqaqara e vale
Okosita 28, 2022

Beitaki ena basulawa
Tiseba 28, 2022

Tekivu na veilewai
Maji 23, 2023

Kaya na mataveilewai ni ratou cala qai rube na nodratou kisi me lima na yabaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU