Ena ika19 ni Tiseba 2023, e sere mai valeniveivesu o Brother Vladimir Balabkin e yabaki 71, ni sivia toka e tolu na vula nona vesu. Ena ika13 ni Seviteba 2023, e beitaki ni cala qai totogitaki me vesu me va na yabaki. E kerea o Vladimir me rogoci tale nona kisi. Ratou rogoca e tolu na turaganilewa na nona kisi, ratou qai veisautaka na kena itotogi. E mani vakatatabutaki me dua ga na yabaki.

Ena gauna ni veilewai, e yaloqaqa ni kaya o Vladimir: “Na ka au vakabauta e yavutaki ena Vosa ni Kalou na iVolatabu. E vukei au meu bucina na itovo e vinakata na Dauveibuli vei keda kece, me vaka na yalomalua, veikauaitaki, vosovoso, meu lewai au vinaka tale ga. E yaga dina qori vei au kei ratou noqu vuvale. Au vinakata mera kila e levu na iVolatabu ni na rawa ni veisautaka na nodra bula.”

Eda marau vata kei Vladimir kei ratou nona vuvale, da qai masulaki ira na tacida era se tiko e valeniveivesu. Eda nuidei ni o Jiova ena vakalougatataka na nodra vosota.—Iperiu 10:34.