Ke̱m. Bibe̱l e makwala ná jangame̱n nde kane̱ Loba buka te̱, o dina la Yesu. Yesu a kwalane̱ bokwedi bao ná: “Lo kane̱ nde ninka: A Tete̱ ńasu ńe o mo̱ń. Dina lo̱ngo̱ di dubabe̱.” (Mateo 6:9) A s’okwe̱le̱ bokwedi bao to̱ buńa ná ba kane̱ basangedi, ange̱l, to̱ moto nupe̱pe̱; o sumo te̱ Loba.

 Yesu a langwedi pe̱ bokwedi bao ná: “Mba nde ne ngea na mbale̱ na longe̱; to̱ moto a si mapo̱ na Tete̱ esibe̱ tongwea na mba.” (Yohane 14:6) Yesu mo̱me̱ne̱ mō̱ buka te̱ nde a kusane̱ Loba wonja o to̱pea biso̱.—Bonahebe̱r 7:25.

Mo̱ ne ná na kane̱ Loba na basangedi o mulemlem ma ponda e?

 O mbenda po̱ ńa dom la mambenda Loba a kwali ná: “Mba Yehova, Loba lo̱ngo̱, ne nde Loba la ko̱di.” (Bebusedi 20:5) O njika mbadi Loba eno̱ “ko̱di” e? Eyal’a ko̱di e mapula nde kwala ná “jangame̱n nde jowe̱ mo̱me̱ne̱ mō̱ buka te̱.” Loba a mapula ná mo̱me̱ne̱ mō̱ buka te̱ nde jangame̱nno̱ bolea beboledi ba jowe̱, nika e mombwea pe̱ muka mwena mwe nde eboled’a jowe̱ ewo̱.—Yesaya 48:11.

 Loba a si me̱nde̱ do̱lisane̱ biso̱ yete̱na di kane̱ moto nupe̱pe̱, to̱ mo̱me̱ne̱ basangedi to̱ ange̱l a bosangi. Ponda ńamuloloma Yohane a kekino̱ o jowe̱ ange̱l po̱, ni ange̱l ńeki mo̱, e kwala ná: “O bia po̱n, o si bola nika! Mba pe̱ ne nde mwenj’ango̱ ń’ebolo na ńa bonaso̱ngo̱ bena ba kombe̱ mboṅ a Yesu; owe̱ nde Loba!”—Bebīsedi 19:10.