•   «ˈˈWo ˈö dɔ ˗ni ˈgü Shinö ˗sɛ ˈgü ‹˗ya ʒiö ˈˈsɛ ꞊gban ˈˈpɛpɛ ˗bhaa ˗ta›. Blɛɛyi ˗yaaga ˗bha ˗naan ˈö ˈɲënŋ˗ ˗yö bhü ꞊dedewo ˗a ˈka, yö ˗mü.» ˗Kwɛ 2022 Sɛtanblö 7—The Guardian.

•   «ˈƝënŋ˗ ˈö ˈbhü ˗ni ˈgü Aflikö ˈˈzɔ ˈˈdhiʋ̈ ˈˈdhʋŋ ʒiaan ˈka bhë ˗yö ˗dho ˗kwɛ ˈˈsoodhu ꞊nën˗ yökodhiʋ̈.» ˗Kwɛ 2022 ˈUtö 26—UN News.

•   «˗Ya ˈto ˈˈtɩtɩ kö pë ꞊gban ˈˈpɛpɛ ˗yö ˈˈkpɛɛ ˈkun Edhɔpö ˗dhɛ ˗gban ˈgü. ˈYö ˈɲënŋ˗ ˈö dho ˈbhü mü bhë, ˗a suu ˈyii ˈbhü mü do ˗a ˗kwɛ 500 ˗naan ꞊nɛɛn ꞊dɛɛ.» ˗Kwɛ 2022 ˈUtö 23—BBC News.

 ꞊Klaŋ ˈˈgblʋ̈gblʋ̈ këmɛn ꞊vadhɛ ˗wa ˗pö ꞊dhɛ ˈɲënŋ˗ ˈbhü ˗sü waa pë ˗nu ˗bha ˈˈkpɛɛ ˈkun ˗sü suu ˈö ˈˈdhʋ̈ bhë, ˗wo ˗dho ˗dadhiʋ̈ ˗kplawo ˈö ˈwo ˈdho ˗a ˈka. ˗Dhɛ ˈö ˈˈdhʋ̈ kö mɛnbhɩɩdhe ˗nu ˗bha ˗dhɛkpaɔ dhiʋ̈ˈˈ ˗dho kë ˗së ˗ee? ˈMën Biblö ˗ya pö?

 ˈPë Biblö ˗ya pö ˈö ˗gban kwa ˗bha ˈˈtʋ̈ŋ ˗bha, yö ꞊nɛɛn:

•   «ˈˈVʋ̈ʋ̈ [˗]dhö ˗da ˗dhɛ ˗nu ˈgü ˈzuuzudhö.»—Dhukö 21:11.

 Dha ˈyii ban, pë ˗nu ˗wa ˈˈkpɛɛ ˈkun ˗yö ꞊mɔɔn˗ ˗bha ˈö nu ˈˈvʋ̈ʋ̈ ˈka. ˈYö ˈˈvʋ̈ʋ̈, saanˈˈ waa ga ˈö nu ˗an ˈka bhë, ˗wo pë ˈö Biblö ˗ya to ˈˈdhiʋ̈ ˈö˗ pö ˗a ˗bha ˗yökodhiʋ̈sü ˈka.—˗Dhɛkpaɔ dhiaˈˈ ˈsëëdhɛ 6:6, 8.

 ˈPë ˗kë ˈö dha ˈyaa ban ˈzü ˈgbɛ ˈö pë ꞊gban ˈdhö ˈˈkpɛɛ ˈkun ˗ni ˈgü bhë, Biblö ˗ya ˗gɛn do ˗pö. ˗Ya ˗pö:

•   «Mɛnbhɩɩdhe ˈö ˈˈta ˈsü ˗ni ˈgü, ˗a dua ˈyaa ˗mü kö ˗yö ʒiaan bho ö ˗de ˈka.»—Jérémie 10:23.

 ˗Wo ˈö bhë ˗a ˗gɛn ˈnën ˗tɔ ꞊dhɛ mɛnbhɩɩdhe ˗nu ˈwaa ꞊mɔɔn ˗a ˗bha kö ˗wo ‹ʒiaan bho wo ˗de ˈka› ɛɛnˈˈ kö ˗wo ˈˈdhiʋ̈sü wo ˗de ˈka. ˗An ˗bha ˈwɔn kë ˗kɔ ˗nu ˗wa ˗kë ˈö dha ˈyaa ban ꞊shiöŋ ꞊shiöŋ, ˈö ˈˈyi ˗wɔn ˗yö ˗kë.

•   ꞊Klaŋ ˈˈgblʋ̈gblʋ̈ këmɛn ꞊vadhɛ ˗wa ˗pö ꞊dhɛ mɛnbhɩɩdhe këwɔn ˗nu ꞊nën ˈwo˗ ˗kë ˈö ˈˈwo ˗yö dɔ. ˈYö ˗a ˈˈwo dɔ ˗sü ˈö ˈˈdhʋ̈ ˈyö ˈnën˗ kë ˈö pë ˗nu ˗bha ˈˈkpɛɛ ˈkun ˗sü ˈö ˗da ˗ni ˈgü˗ ˈˈdhiʋ̈ dosɛnŋ ˗dhɛ ꞊gban ˈˈpɛpɛ ˈgü bhë!

•   Zuʋ̈ˈˈ ˗bhɔ ˈwëëga ˗bha ˗sü waa mɛn ˗zota ꞊dɛɛ ˗wɔn ˈgü ˗sü dosɛnŋ bhë ˗wa ˗kë ˈö ˈˈblü ˗nu ɲën, ˈyö ˈwo ˗dhɛ ˗dhii kun ˈyö ˈwo ˈˈsɛ ꞊shiö. ˗A ˗kë ˈˈdhʋ̈ ˗sü ˗ya ˗kë ˈö ˈˈyi ˗gɔ ˗nu ˗wo ꞊bhʋ̈ʋ̈.

 ˈˈKɛɛ ˈwɔn bhë˗ ꞊gban ˈgü, Biblö ˗ya ˗pö ꞊dhɛ kwa ˗bha ˗dhɛkpaɔ dhiʋ̈ˈˈ ˗dho kë ˗së.

 Biblö ˗ya ˗pö ˗Zlan ˗dho ˈˈyi ˗wɔn ˈö ꞊dɛɛ ˗a ˈˈɲan bhɔ. ˈˈKɛɛ ˗yö ˗dho ˗a ˈˈɲan bhɔ ˗kɔ ˗kë ꞊dhɛ?

1.  1. ˗Zlan ˗dho ‹ˈwɔn bho ˈˈsɛ see˗ ˗mɛ ˗nu ˈgü.› (˗Dhɛkpaɔ dhiaˈˈ ˈsëëdhɛ 11:18) ˗Yö ˗dho mɛn ˗nu ˈwo˗ ˗kë ˈö ˈˈyi ˗wɔn ˗yö ˗kë, ˗an ˈgü shiʋ̈ˈˈ. ˗A mɛn ˗nu ˈwo ˈˈdhʋ̈ ˈyö ˈwo ˈtɔ˗ ˈwɔnyaakëmɛn ˗nu ˈö ˈpë ˈyaa ˗an ˗zokun ˈö ˈwo ˈˈsɛ ꞊shiö.—2 Timote 3:1, 2.

2.  2. «˗Dhɛ ˈˈkpɛɛdhɛ ˗dho kë ˈˈyiga ˈö ˗kaa dho bhɔ ˗a ˗züzü ˗dhɛ ꞊gban ˈgü ˗a ˈka.» (Isaïe 35:1, 6, 7) ˗Zlan ˗dho saanˈˈ ˈö pë ˗nu ˗bha ˈˈkpɛɛ ˈkun ˗sü nu ˗a ˈka bhë ˗a bho ˈˈshia, ˈö˗ ˗kë ˈö kwa ˗bha ˈˈsɛ ˗yö ˗kë ꞊bhɔɔpö ˈö ˈˈyi ꞊va ꞊dede ˈdhö mü ˗a ˈka.

3.  3. «Ü ˈˈsɛ ˗yö ˗kë ˈü˗ ˗kë ˈö ˗kë ˗së ˈö pë ˗yö dhi ˗a ˈgü.» (Psaume 65:9) ˗Zlan ˗bha ˈdhuëë˗ ˈsaa˗ ˈgü ˗bhöpë ˗sɛŋbɔ ˗nu waa ˈˈyi ˈˈslʋ̈ʋ̈slʋ̈ ˗dho kë ˈˈsɛ ˗ta mɛn ꞊gban ˗bhaa ˈka.