Biblö ˗ya ˗pö ꞊dhɛ Aamagedɔn ˈyaa ˗gblü ˈö ˗dho ˗gɔn ˈˈsɛ ˈˈpian ˈbha ˈgü ˗a ˈka. ˈˈKɛɛ ˗ya ˗pö ˗gblü ˈö ˗dho ˗gɔn ˈˈkpɔnŋtaadhɛ ˗todhʋ̈sü ˈgü, mɛnbhɩɩdhe ˗bha mɛnkɔɔnsü ˗nu waa ˗Zlan ˗an ꞊zinŋ ˈgü, yö ˗mü.

•   «ˈˈDhabhliwɔn ˗nu kë ˈˈyina yaa ˗nu [...] ˈwo ˗ziö ˈwo dho ˗gblüdë ˈˈpɛpɛ ˈwo [...] ˈˈkpʋngtaadhɛ ꞊gban ˗gɔ ˈˈdhiʋ̈ bha˗ ˗nu ˈˈpiʋ̈ kö ˗wa ˗nu ꞊loo ˈko ˗ta kö ˗wo ˈdho ˗gblüdadhɛ ˈgü. ˈSa ˗gblü bha woo ˈdho˗ ˗da ˈˈtʋ̈ng ꞊dede ˈö˗ ˈgü bha ꞊në dho kë ˗Zlan ˈö˗ ˗fiëbhawɔn ˈyaa ˈdhö bha˗ ˗bha ö ˗bha ˈgügbɩɩdhɛ ˗zɔn ˈˈkpʋngtaadhɛ ˗dhɛ ˈˈtʋ̈ng ˈˈgbɩɩ˗ ꞊dede ˈka. ˗Dhɛ ˈö ˈˈyina yaa ˗nu bha ˈwo ˗gblüdë ˗nu bha˗ ˗nu ꞊loo ˈko ˗ta ˗a ˗bha bha ˗wa ˗dhɛ ˗dhɛ eblö ˗wʋ ˈgü Aamagedɔn.»—˗Dhɛkpaɔ dhiaˈˈ ˈsëëdhɛ 16:14, 16.

 ˗Wo kpö ˈö ˗kë «Aamagedɔn» ˈka bhë, ˗yö ˗go Eblö ˗wo Har Meghi dohn’ ɛɛnˈˈ Aa Megidɔn ˈgü. ˗A ˗gɛn ˈnën ˗tɔ «Megido ˗tɔn.» Megido ˗kun ˈpö˗ do ˈbha ˈö kun Izraɛdhö ˗sɛ ˈö kun ꞊kwɛŋzü ˗a ˈgü, ˗a ˈka. ˗A ˗wɔn ˈgü mɛn ˈbhaa ˗nu ˗bha ˈgü, Aamagedɔn ˗gblü ˗dho ˗gɔn Izraɛdhö ˗sɛ ˈö ꞊dɛɛ, ˗a ˈgü. ˈˈKɛɛ Megido ˗dhɛ ɛɛnˈˈ ˗dhɛ ˈbha ˈö ˈɲaan˗ ˈgo ˗ʒian ˈka ˈö ˗dho kë ˈkpii˗ ꞊dedewo kö «˗gblüdë ˈˈpɛpɛ ˈwo [...] ˈˈkpʋngtaadhɛ ꞊gban ˗gɔ ˈˈdhiʋ̈» waa ˗an ˗bha ˈˈsɔdha ˗nu ˗wo ꞊mɔɔn mü, ˈyaa ˈdhö.

 ˈWɔn ˗zɔn ˈka ˗nu ˈnën ˈwo ˗Dhɛkpaɔ dhiaˈˈ ˈsëëdhɛ ˈgü. (˗Dhɛkpaɔ dhiaˈˈ ˈsëëdhɛ 1:1) ˗A ˗wɔn ˈgü Aamagedɔn ˈyaa ˗dhɛ ꞊dede ˈbha ˈö ˈˈkpɔnŋ ꞊taa ˗a ˈka, ˗abin. ˈˈKɛɛ ˈwɔn ˈbha ˈö ˗dho kë ˈˈkpɔnŋtaadhɛ ˗todhʋ̈sü ˗ta ˈö ˈˈsɛgɔ ˗nu ˗dho ꞊wlüü kö ˗wo ˗gban ˗Zlan ˗bha mɛnkɔɔnsü ˗gɔ, yö ˗mü.—˗Dhɛkpaɔ dhiaˈˈ ˈsëëdhɛ 19:11-16, 19-21.