LO KOUVERTIR | ESKI SATAN I VREMAN EGZISTE?

Eski Satan i egziste?

“Mon ti grandir El Salvador. Kan mon ti dezobeir, mon manman ti abitye dir mwan, ‘Satan pou vin pran ou!’ Mon ti reponn li, ‘Les li vini!’ Mon krwar dan Bondye, me pa dan Satan.”​—ROGELIO.

Eski ou dakor avek Rogelio? Lekel parmi sa bann lopinyon swivan ki paret rezonnab pour ou?

• Satan pa egziste, i zis en reprezantasyon tou sa ki mal.

• Satan i egziste, me i pa enterese avek bann imen.

• Satan i en kreatir envizib pwisan ki annan en gran lenfliyans lo limanite.

Petet plizyer milyon dimoun i siport enn parmi sa bann pwennvi. Me eski i vreman enportan ki pwennvi ki egzakt? Si Satan pa egziste, sa bann ki krwar i egziste pe ganny anbete. Si Satan i egziste me i pa enterese avek bann imen, plizyer dimoun i per oubyen enkyet san okenn rezon. Me, si Satan i en manipilater ki anbet dimoun, alor i pli danzere ki laplipar dimoun i krwar.

Annou vwar ki mannyer Labib i reponn sa bann kestyon: Kwa oubyen lekel Satan? Eski i en reprezantasyon tou sa ki mal oubyen en kreatir envizib? Si i en dimoun, eski Satan i en danze pour ou? Si wi, ki mannyer ou kapab protez ou lekor?

[Portre lo paz 3]

En stati Madrid, Lespanny, ki montre Satan konman en lanz koronpi ki’n perdi son plas dan lesyel