AWIT 26
Gibuhat Ninyo Kini Kanako
-
1. Ang ubang karnero nga iya sa Kristo,
mga dinihogan gipaluyohan.
Tanang paningkamot
nga sila tabangan,
Iyang giisip nga takos gantihan.
(KORO)
“Ang inyong paghupay ngadto kanila
Maoy paghupay sab ninyo kanako.
Ang inyong pagtabang ngadto kanila,
Pagtabang usab ninyo kanako.
Inyo ning gibuhat alang kanako.”
-
2. “Panginahanglan ko gitagana ninyo
sa dihang gigutom ug giuhaw ko.”
“Gihimo ba namo ni?”
sila misukna.
Si Jesu-Kristo mitubag kanila:
(KORO)
“Ang inyong paghupay ngadto kanila
Maoy paghupay sab ninyo kanako.
Ang inyong pagtabang ngadto kanila,
Pagtabang usab ninyo kanako.
Inyo ning gibuhat alang kanako.”
-
3. “Diha sa pagsangyaw kamo makugihon
kauban sa akong mga igsoon.”
Sa mga karnero,
si Jesus moingon:
“Dawata ninyo kinabuhing dayon.”
(KORO)
“Ang inyong paghupay ngadto kanila
Maoy paghupay sab ninyo kanako.
Ang inyong pagtabang ngadto kanila,
Pagtabang usab ninyo kanako.
Inyo ning gibuhat alang kanako.”
(Tan-awa usab ang Prov. 19:17; Mat. 10:40-42; 2 Tim. 1:16, 17.)
