● Ang g-force nga mosukod ug mga 80 ngadto sa 100 igong makabungog kanimo. Apan ang balalatok (woodpecker) dili maunsa sa mga 1,200 g-force samtang ipukpok niya ang iyang sungo diha sa punoan sa kahoy. Unsay sekreto sa balalatok nga dili man mosakit o mabungog ang iyang ulo?

Hunahunaa: Nadiskobrehan sa mga tigdukiduki nga dunay upat ka rason kon nganong shock absorber ang ulo sa balalatok:

1. Usa ka lig-on apan lubay nga sungo

2. Usa ka hyoid—mga bukog ug mainat-inat nga tisyu nga nagputos sa bagolbagol

3. Usa ka lungag-lungagong parte sa bagolbagol

4. Gamayng luna para sa pluwido nga nagputos sa utok

Ang matag usa niini nagsilbing shock absorber nga tungod niini ang balalatok makapukpok sa kahoy 22 ka beses matag segundo nga dili madaot ang utok.

Tungod sa disenyo sa ulo sa balalatok, ang mga imbentor nakahimog lig-ong sudlanan nga makasustenir bisan sa 60,000 g-force. Sa umaabot, basig makaimbento silag mas lig-ong sudlanan sa flight recorder sa ayroplano, nga sa pagkakaron makasustenir lag 1,000 g-force. Si Kim Blackburn, inhenyero sa Cranfield University sa United Kingdom, miingon nga ang ulo sa balalatok maoy “usa ka talagsaong pananglitan nga ang kinaiyahan makaugmad ug komplikadong butang sa pagsulbad sa daw imposibleng problema.”

Unsay imong hunahuna? Ang shock absorber nga ulo sa balalatok sulagma lang bang mitungha? O kini ba gidisenyo?

[Diagram sa panid 19]

(Alang sa aktuwal nga pagkahan-ay, tan-awa ang publikasyon)

1

2

3

4

[Picture Credit Line sa panid 19]

Redheaded woodpecker: © 2011 photolibrary.com