KWI 47
Leʼde Yaweh Nsi njoñ léʼ fa
-
1. Leʼde Yaweh Nsi, a ngajuʼ leʼde.
A bʼa taʼ fuʼ ndùb be neket lén se
A bʼa nshun o, ghaʼ ntùʼo nte nge mbwe i,
Bam ndù o kuʼni neyéʼde num Nsi
Leʼde Yaweh Nsi njoñ léʼ.
-
2. Leʼde Yaweh Nsi, ndabtʼé num fuʼ yôg,
Ndeʼdʼé num lagde mba be num ndagde.
Bag bin yéʼde num Nsi nsoñ mfànnu ben.
A bʼa Ngabom ben, ndèn ndù be bʼa mbab.
Leʼde Yaweh Nsi njoñ léʼ.
-
3. Leʼde Yaweh Nsi ngelañ ngeʼ tèl o.
A bʼa zebe Tà, ke be ngùanesà.
Diag ndù a tshèttʼo; diag ndù a ywimdʼo;
Kà vètte, ke bwôg, a bʼa yu ndàlem.
Leʼde Yaweh Nsi njoñ léʼ.
(Mbèn ndôde Yobk. 65:5; Mat. 6:9-13; 26:41; Luk. 18:1.)
