KWI 118
“Kwiʼde bamntù bag”
-
1. Nummbe bag keʼ làn miagde, Ô Yaweh Nsi,
Mba nkwadenu ntù tshag bʼa mi kebwô.
Taʼ nukebwô bwe là zʼa lat num bag là—
Nebwoñ bamntù num o, Nsi zʼo tswe ntùn.
(DÙʼ NEBWÔGDE)
Bag tshwèt ndeʼdʼo, Yaweh kwiʼde bamntù bag.
Ywimde yag Tà, mfà ju zʼa bwoñ bag là.
Num yu kondèn, netshoʼ kwiʼde bamntù bag,
Nedù bag nyàmdʼo ntùm ntshob mba ntùm mfaʼ.
-
2. Mèn be ke ghù bamntù, mba bʼa ke bwô o.
Magde ke bwe, bamntù keʼ be gwù ntse.
Bamntù bʼa yag ndàlem mba tshètntsho ndùb là.
Bag ke tshwèt mbwôg ju ndamnjù nseʼ yi là.
(DÙʼ NEBWÔGDE)
Bag tshwèt ndeʼdʼo, Yaweh kwiʼde bamntù bag.
Ywimde yag Tà, mfà ju zʼa bwoñ bag là.
Num yu kondèn, netshoʼ kwiʼde bamntù bag,
Nedù bag nyàmdʼo ntùm ntshob mba ntùm mfaʼ.
(Mbèn ndôde Net. 8:21; Héb. 11:6; 12:1.)
