Atata’a bekalate ya Kalate Zambe
Bone bevidéo ba, ba kate bia mam me ne mfi mfa’a ya ényiñe bôte be mbe be nyiñi’i éyoñe kalate ase ya Bible a nga tiliban, a nya foé a ne kalate ase y’été. Bela’ane meyé’é mete asu ya na, ayé’é dôé ya Bible e bo wo mfi.
Atata’a kalate Metata’a
Kalate Metata’a a kat avale mona môt a nga téban, a avale minjuk mi nga taté.
Atata’a kalate Lévitique
Yene’e aval kalate Lévitique a liti na Zambe a ne mfuban a amu jé e ne mfi na bia fe bi bo mfuban.
Atata’a kalate Nlañane bôt
Yene’e mfi ya bo Yéhôva mewôk a semé bôt a telé na be wulu ékôane jé.
Atata’a kalate Josué
Yene’ aval ayoñ Israël é nga bi medañ, a aval be nga kabane si Zambe a nga ve be.
Atata’a kalate Betyi’i mejô
Kalate ate a bili biyôlé minyôyok mi bôte ya mbunan Yéhôva a nga belane mie asu na be nyii ayoñ Israël e be bôte be mbe be tibili’i be.
Atata’a kalate Ruth
Kalate Ruth a kobô ajô nya nye’ane nkus ô mbe ngon minga ô nga liti asu ntyii wé fe a mbe nkus, a aval avé Yéhôva a nga nyoñe ngap a bese bebaane.
Atata’a kalate 1 Samuel
Yene’ aval ayoñ Israël é nga kôlô éyoñe ya betyi’i mejô, a ke éjôé bejôô bôt.
Atata’a kalate 2 Samuel
Yene’ aval avé éjote nyul a mbunan David bi nga bo na a bo môte wua ya ba ba dañe nye’e, a nyu ba dañe yem e Bible.
Atata’a kalate Esdras
Yéhôva a nga tôé ngaka’a a nga bo na, a ye va Bejuif minkôm a beta telé nya ékaña’a Jérusalem.
Atata’a kalate Nehémie
Kalate Nehémie a ve bebo bisaé be Yéhôva ya den mbamba besikôlô.
Atata’a kalate Esther
Beta be mam be nga bobane éyoñ Esther ba ye ve wo ngule nyul na, dene fe, Yéhôva a ne ngule ya kôté bebo bisaé bé éyoñe be tele minjuk été.
Atata’a kalate Job
Bôte bese ba nye’e Yéhôva ba ye tôbane bitibila’a. Nkañete Job wo ve bia ngule nyule na, bi ne ke ôsu a ba’ale élate jangan a Yéhôva, wo liti na Yéhôva étam, nnye a yiane jôé bitétéa bié.
Atata’a kalate Besam
Kalate Besam a liti na Yéhôva nnye fo’o a yiane éto njôô, na Yéhôva a volô, a su’u ba ba nye’e nye, a liti fe na Yéhôva a ye bo na, si nyi é bo Paradis a zene ya Éjôé jé.
Atata’a kalate Minkana
Nyoñe melebe Zambe a ve wo ma fombô mam mese ya ényiñe jôé—aval ane e bo makit a e kôme mam ya nda bôt.
Atata’a kalate Ecclésiaste
Njô bôt Salomon a liti nsela’ane a ne zañe biôme bi ne mfi asu ényiñ, a bi bi ne kamane bia na bi bi fe’e ja so be Zambe.
Atata’a kalate Jia Salomon
Amu jé ba loene ngul édiñe mona minga Shulammite, a diñe mona fam, mba’ale mintômba na “nduane Yéhôva?”
Atata’a kalate Ésaïe
Ésaïe a ne kalate a bili nya nkulane ajôô a ne yemete ndi bi bili be Yéhôva a ne nyô a ne mane jalé bengaka’a bese Yéhôva a ne nga bo, a na a ne nyô a nyii bia.
Atata’a kalate Jérémie
Jérémie a nga bo ésaé nkulu mejô jé, akusa bo minju’u a nga tôbane mie. Tame simesan jam éve’an Jérémie é ne tinan asu bekristene ya melu ma.
Atata’a kalate Minyône mi Jérémie
Nkulu mejô Jérémie nnye a nga tili nye. A liti ôlun a nga wôk éyoñ be nga tyame Jérusalem; a liti’i fe aval avé nkôñelan minlem wo so mvame Zambe.
Atata’a kalate Ézékiel
A éjote nyul, a ayok ese, Ézékiel a nga be’e mbe’e ôse Yéhôva a nga ve nye, akusa bo minjuk a nga tôbane mie. Éve’ela jé é ne bia nya mfi den.
Atata’a kalate Daniel
Daniel a bemvôé bé be nga ke ôsu a wulu ba’aba’a a Yéhôva akusa bo mame mese be nga tôbane me. Éve’ela jap a, avale minkulane mejô mi nga tôéban bi ne bo mfi asu dangan, bia bia nyiñe melu ya asu’ulan.
Atata’a kalate Osée
Nkulan ajô Osée wo ve bia beta miñye’elan a lat a avale Yéhôva a koo mbô mam abé a tyendé éngôngol, a aval ékaña’a a nye’e.
Atata’a kalate Joël
Nkulan ajô Joël ô mbe ô jô’ô na, “môse Yéhôva” ô ntoo bebé, ô mbe fe ô liti’i avale bi ne bo na, bi bo teke wu môs ôte. Nkulan ajô ôte ô ne fo’o nya mfi asu dangane den.
Atata’a kalate Amos
Yéhôva a nga belane môt a ne éjote nyul na a bo beta ésaé. Mbamba miñye’elane bevé éve’ela Amos é ne ye’ele bia?
Atata’a kalate Abdias
Kalate a dañ étun bekalate be nga tiliban nkobô Hébreux. Nkulan a jô ôte wo ve bia ndi nlem, a ngaka’a na Yéhôva aye liti na nnye a yiane jôé.
Atata’a kalate Jonas
Nkuli mejô ate a nga kañese melep, a nga bo ésaé be nga ve nye, a nga yé’é nye’an a nkoone bôt éngôngol be Yéhôva. Nlañe wé wo nambe bia.
Atata’a kalate Michée
Nkulan ajô ôte ô ne wônô ndi nleme jangan, na Yéhôva a ve bia mimbe’e bi ne be’e, a mi mi ne mfi asu dangan.
Atata’a kalate Nahum
Nkulan ajô ôte wo ve bia ndi nleme na Yéhôva a tôé bengaka’a bé bese, a na a ve ba bese ba ke sobô Éjôé jé si ndi nlem.
Atata’a kalate Habakuk
Bi ne tabe ndi na a yeme mbamba éyoñ a mbamba avale ya kôté bebo bisaé bé.
Atata’a kalate Sophonie
Amu jé bia yiane tabe ntyele ya simesane na môse Yéhôva wo ye ke so?
Atata’a kalate Aggée
Nkulan ajô wo ngôné mfi ya telé ékaña’a bia ve Yéhôva ôsu ényiñe jangan.
Atata’a kalate Zacharie
Abui miñyenan, a minkulane mejô mia ve bebo bisaé be Yéhôva ya melu mvus ngule nyul. Minkulane mejô mite mia ve bia njika’ane na Yéhôva a su’u bia den.
Atata’a kalate Malachie
Nkulan ajô wo yemete na memvinda, nkoone éngôngol, a nye’an Yéhôva ô ne teke tyendé. Nkulan ajô ôte wo ve fe bia mbamba miñye’elane den.
Atata’a kalate Matthieu
Yeké’é mam wo yiane yem, a lat a kalate Matthieu, kalate ôsu ya ba benyin ba kañete ényiñe Yésus, a ésaé a nga bo.
Atata’a kalate Marc
Bekalate benyin ba kañete ényiñe Yésus, nyi Marc nnye a ve’ele liti bibotan éjôé Yésus ja ye so bie, éyoñ a ye bo Njôô ya Éjôé Zambe.
Atata’a kalate Luc
Mam mevé ma bo na, mbamba foé Luc a nga tili a bo ngumba aval?
Atata’a kalate Jean
Nkañete Jean a nga tili wo liti abime Yésus a nye’e bone be bôt, wo kobô ajô ya fulu éjote nyule jé, wo liti fe na nnye a ne Messie, Môt a ye bo njôô ya Éjôé Zambe.
Atata’a kalate Mam minlôman
Bekristen b’ôsu be nga saé a ngule jap ése mfa’a ya bo bôte ya meyoñe mese beyé’é. Kalate mam Minlôman a ne ve wo ayôñ a ayok asu ésaé nkañete.
Atata’a kalate Beromain
Kalate a bili mebendé me Yéhôva na liti na a nji bo ôbangam, a mfi ya buni Yésus Krist.
Atata’a kalate 1 Becorinthien
Kalate Paul a nga tili a ngule mbamba nsisim ate a bili meleb a lat a mfi ya bo nlatane jôme jia, mfi ya tôñe mebendé a lat a mame bisôk, mfi ya fulu nye’an, a mfi ya buni ñwômane miñwuan.
Atata’a kalate 2 Becorinthien
Yéhôva, “Zambe ya mvolane minlem ôse,” a ve bebo bisaé bé ngule nyul, a su’u fe be.
Atata’a kalate Begalate
Kalate Paul a nga tili Bekristene ya Galatie a ngenane mfi den aval a mbe mfi éyoñ a nga tiliban. A ne volô benya benya Bekristene na be kabetane Yéhôva.
Atata’a kalate Beéphésien
Kalate a nga tiliban a ngul Zambe mfa’a ya liti nsôñane Zambe, ñwô ô ne na a soo mvo’é a élat a zene ya be Yésus Krist.
Atata’a kalate Bephilippien
Bia ve bôte bevo’o ngule nyul éyoñe bia tebe ne bip to’o bia tôban étibila’a.
Atata’a kalate Becolossien
Bi ne ve Yéhôva nlem avak éyoñe bia tôñe mame bia yé’é, éyoñe bia jamé bôte bevok a nlem ôse, a éyoñe bia yem éjôé Yésus a bili.
Atata’a kalate 1 Bethéssalonicien
Bia yiane mombô mfa’a ya nsisim, bi ve’ele mame mese, bi ye’elan te jô’é, a veane ngule nyul wua a nyu mbok.
Atata’a kalate 2 Bethéssalonicien
Paul a volô Bekristene na be tu’a yem mame ma yiane boban ôsusua na môse Yéhôva wo so, a jô be na be yeme mbunan été.
Atata’a kalate 1 Timothée
Paul a nga tili Thimothée kalate ôsu na, a kate nye avale akônda da yiane wulu, a na, a ve nye abendé ya sa’ale bivuse miñye’elan, a nye’ane moné.
Atata’a kalate 2 Timothée
Paul a liti Timothée mfi ya bo ésaé nkañete jé nya mboane.
Atata’a kalate Tite
Kalate Paul a nga tili Tite a kobô ajô ya minjuk akônda ya Crète e mbe e tôba’ane mie, a mefulu bemvendé ya akônda ba yiane bi.
Atata’a kalate Philémon
Étune kalate éte é ne nya édo’o, amu é bili abui melep aval ane mfi ya bo éjote nyul, mvam, a e yeme jamé.
Atata’a kalate Behébreu
Mbôka’a ya mbunane Bekristen ô ne ngul a dañe biôme ba yen a mis aval ane betemple a metuna’a betit.
Atata’a kalate Jacques
Jacques a nga belane mbamba bive’an asu na a ye’ele bia mfi ya nyiñ ane benya Bekristene.
Atata’a kalate 1 Pierre
Kalate Pierre ôsu a liti bia mfi ya kate Zambe mame mese ma tyelé bia nleme yôp.
Atata’a kalate 2 Pierre
Kalate baa Pierre a nga tili a liti bia mfi ya kabetane Yéhôva nté bia yange mfefé yôp a mfefé si.
Atata’a kalate 1 Jean
Kalate Jean a jô bia na bi tabe ntyel a bôte ba wosane Krist, a volô bia na bi yeme mame bia yiane nye’e a ma bi nji yiane nye’e.
Atata’a kalate 2 Jean
Kalate baa Jean a nga tili a ba’alane bia na bi ke ôsu a wulu benya mejôô été a na bi sa’ale bedu’u bôt.
Atata’a kalate 3 Jean
Kalate lale Jean a nga tili a liti na Bekristene ba yiane bo anyep.
Atata’a kalate Jude
Jude a kate bia mefe’e bivuse beye’ele ba bôndé mfa’a ya tindi Bekristene na be lume Zambe mvus.
Atata’a kalate Nlitan
Miñyenane ya kalate Nlitan mia kate bia aval Éjôé Zambe ja ye tôé minsôñane mi Zambe a lat a si a bone be bôt.