Bita ya Ukraine bia liti na, betebe ôsu ya miñyebe ba suk bita a nlem ôse. Yenek avale betebe ôsu ya miñyebe ba suk mengame bita mebaé:

•   “Duma a akiba bi bo’o be bezimba ba kamane si jap Ukraine a wosane nsiñe wop . . . Nleme wongan, meye’elane mangan a nsu’ane wongane bi bo’o kom ése a mia.”​—Mejô me métropolite Épiphane I ya Kiev, bia koone me e The Jerusalem Post, Ngone lale é too melu 16, mbu 2022.

•   “Ntebe ôsu ya nda Zambe Orthodoxe e Russie a nga bôndé ngumba étôkan asu bezimba môse sondô. Étôkan éte, a nga kate bezimba ya Russie na ba yiane kaman ayoñe dap ‘fo’o ve avale bôte ya Russie be ne de bo’ nté Moscou a ke ôsu a wosan Ukraine.”​—Reuters, Ngone nyini é too melu 3, mbu 2022..

 Ye bekristene ba yiane nyoñe ngabe bita? Jé Kalate Zambe a jô?

 Bible a liti na bôte ba kôme tôñe Yésus Krist be nji nyoñe ngabe bita.

•   “Futi’i nkpwaté mekône wôé abam, amu bôte bese ba belane nkpwaté mekôn, ba ye wu a nkpwaté mekôn.”​—Matthieu 26:52.

   Ye môt a su‘u bita nge mewosan a tu’a fo’o bo Yésus mewôk?

•   “Ma ve mia mfefé atiñe na, mi nye’esan, avale me nga nye’e mia, mia fe mi nye’esan. A zene nyi, bôte bese ba ye yeme na mi ne beyé’é bam, nge mi bili nye’an e zañe jenan.”​—Jean 13:34, 35.

   Ye môt a su‘u bita a liti avale nye’ane Yésus a nga jô na wo ye bo ndeme beyé’é bé?

 Nge wo kômbô yeme mame mefe, lañe’e nlô ajô “Peut-on concilier guerre et christianisme ?”

 Ye nalé a yiane na bekristene be bo teke nyoñe ngabe bita? Ôwé. Bible a nga jô na e biyoñe ba loone na “melu ma su’ulan,” bôte ya meyoñe mese ‘ba ye bo te beta yé’é mewosan,’ avale miñye’elane mi Yésus mia jô.​—Ésaïe 2:2, 4.

•   Nge wo kômbô yem abui mam afe, lañe’e nlô ajô wu Nkume mmombô a bete, “La guerre : qu’en pense Dieu ?”.

 Yéhôva, a “Zambe ya mvo’é,” a mbeme belan éjôé jé é ne yôp été na a kôté bôte bé “mfa’a ya ékpwe’ele a évô.”​—Bephilippien 4:9; Besam 72:14.

•   Asu na ô yem aval a ye bo de, yene’e vidéo a ne nlô ajô na, Éjôé Zambe é ne jé?