I ni ce ka d’a kan i ye waati ta ka nin gafe in kalan walasa ka anw, an ka baaraw ani an ka jɛkulu dɔn. An jigi b’a kan k’o bɛ kɛ sababu ye i k’a faamu ko anw de bɛ Jehova sago kɛ bi. An bɛ dusu don i kɔnɔ i ka ta’a fɛ k’a ɲini ka Ala dɔn, ani i ye dɔnniya min sɔrɔ i ka kuma o kan i ka denbaya ani i teriw ye ani i ka taa an ka lajɛw la.—Heburuw 10:23-25.

Ni i bɛ dɔnniya caman sɔrɔ Jehova kan, i bɛna a ye a bɛ i fɛ ka se fo yɔrɔ min na. O bɛna dusu don i kɔnɔ i ka i seko bɛɛ kɛ, ka kɛ a fɛ. (1 Yuhana 4:8-10, 19) Cogo jumɛn na, i bɛ se ka a jira don o don ko o de ka di i ye? Mun na a nafa bɛ i kan, i ka tugu a ka sariya sigilenw kɔ jogo ta fan fɛ? Mun bɛna a to Ala sago kɛli bɛna diya i ye i faralen anw kan? Mɔgɔ min bɛ Bibulu kalan kɛ ni i ye, a bɛ diya o tigi ye ka i dɛmɛ ka nin ɲininkaliw jaabi, walasa e n’i ka denbaya ka se ka “to Ala ka kanuya la, . . . fo ɲɛnamaya banbali la.”—Jude 21.