Ẹn o, deghẹ u ma na deba ima, ẹi re esalẹbẹ. Ma keghi gu ẹbo emwa nibun ruẹ e Baibol vbe ne iran i na khian Osẹe Jehova. * Evbọzẹe ne ima na gu emwa ruẹ emwi ọre ne iran mieke na rẹn ẹmwata nọ rre uwu e Baibol. U gha ghi rẹn emwi nọ rre Baibol nẹ, uwẹ ẹre ọ khian ghi zẹ ne egbuẹ deghẹ u gha yae ru emwi. Ma rẹnrẹn wẹẹ, dọmwadẹ ọghẹe ẹre ọ khian zẹ ne egbe ẹre, ugamwẹ nọ hoo nọ gha ye.—Jọsua 24:15.

Ẹn. Ẹmwata nọ wẹẹ New World Translation of the Holy Scriptures ẹre ima mobọ loo, rhunmwuda nọ na khuẹrhẹ na tie kevbe wẹẹ ma gha vbe sẹtin mu nuẹ ọghe ọhẹ deghẹ u gualọ, sokpan, ma gha vbe gbọyẹmwẹ yọ deghẹ e Baibol ọghe obọ ruẹ ẹre u hoo ne u loo. Ọ lọghọ a te miẹn e Baibol ne u gha tie nọ ma guan kaẹn ayayẹro ne emwa nagbọn mwẹ kevbe emwi ne ima gha ru ne ima mieke na miẹn fan.

• Emwi nọ wa mobọ si ẹre ne ima na ru vberriọ ọre ahoẹmwọmwa ne ima mwẹ ne Jehova, irẹn hoo ne Ivbiotu e Kristi gha ma emwa ọvbehe emwi ne iran ruẹ ẹre. (Matiu 22:37, 38; 28:19, 20) “Emwa ni gu Osanobua winna ẹre ima khin” rhunmwuda, te ima ru iyobọ ne emwa ya rẹn emwi nọ rre uwu Ẹmwẹ ọghẹe, ukpamuyọmọ nọ sẹ ọna ẹi rrọọ.—1 Kọrinti 3:6-9, NW.

• Emwi ọvbehe nọ ya ima gu emwa vberriọ ruẹ e Baibol, ọre ahoẹmwọmwa ne ima mwẹ ne ogieva ima. (Matiu 22:39) Ọ keghi sẹ ima ọyẹnmwẹ zẹ vbene ima ya maa emwa ọvbehe emwi ughughan ne ima he ruẹ.—Iwinna 20:35.