Wan woman i wokem ol paep blong hot wota.

Long rum blong swim mo jenis, ol wokman oli putum ol tael long wol.

Wan wokman i putum ol aean long ruf, we oli protektem bilding long laetning. I gat wan rop long strap blong hem we oli fasem gud, blong holemtaet hem.

Samfala oli klinim ol windo, blong putum ol stika long olgeta. Ol stika oli mekem ol man oli luksave se i gat ol bigfala glas windo i stap, nao oli no mestem mo bangem ol windo ya.

Wan woman long tim we i wok afsaed, i yusum TV kamera blong jekem ol dren we oli jes putum, blong meksua se i no gat samting i blokem.

Ol kapenta oli putum timba long wol blong bigfala rum ya we oli save yusum olsem wan ples blong miting o wan ples blong kakae. Oli save yusum rum ya blong sam spesel samting tu.

Samfala oli planem ol smol tri blong bus klosap long wan stonwol.

Tim we i wok afsaed i putum glas blong blokem ol vranda. Hemia i protektem ol man we oli stap insaed be i no blokem laet mo win.

Afsaed long bigfala doa blong kam insaed, oli putum ol laet.

Wan mekanik i yusum wan spesel naef blong katem paep blong ekondisen.

Tim we i wok long yad mo afsaed oli planem ol tri mo wokem ol ples blong wokbaot. Long lefsaed, i gat bigfala rum ya we oli save yusum blong kakae, miting, o narafala spesel samting. Biaen i gat Haos Blong Slip A.

Wan enjinia i stap putum ol paep we oli save spre wota olbaot sipos wan faea i stat.

Olgeta we oli wok long yad, oli rerem graon blong planem gras. Biaen, samfala oli yusum ol longfala stik we wota i pas long olgeta, blong wasem ol windo blong ofis.

Tim we i finisim gud ol samting, i putum wan samting olsem pen long floa, blong mekem i level. Oli yusum wan kaen rek blong putum, mo biaen oli yusum wan rola we i gat nil long hem blong tekemaot ea we i stap aninit.

Samfala long tim blong finisim gud ol samting, oli kavremap floa blong bigfala rum we oli save yusum blong kakae, miting, o mekem narafala spesel samting. Biaen oli putum ol skrin blong televisen long wol, long saed we stej bambae i stap long hem.

Wan kapenta i mekem rere wan rum klosap long ples blong wokem ol video, blong olgeta we oli aktem ol video oli save jekem gud klos, hea, mo fes blong olgeta.

Ol kapenta oli putum ol trak we ol wol long ofis oli save ron long olgeta. Hemia i mekem se oli save seftem ol wol ya olbaot, blong yusum gud ol spes long ofis.

Wan wokman i putumap ol bigfala aean long ples blong wokem ol video. Oli hangem ol laet mo kamera long ol aean ya taem oli stap wokem video.

Oli tekem foto ya long saed i go long not. Long lefsaed, i gat Haos Blong Slip B, C, D, E, F, we klosap oli finis evriwan. Long medel, i gat Haos Blong Slip A we klosap i finis, mo Ofis Bilding we i finis finis. Long raet saed, i gat Prodaksen Haos Saot mo Prodaksen Haos Not we klosap oli finis. Mo long evri ples, wok i gohed long yad.

Ol wokman oli putum ol bigfala tael we oli wokem long ston, biaen long rum we ol man oli kam insaed. Ol haos tapolen biaen oli blokem san, taem ol wokman oli klinim ol tael we oli putum finis.