Abantu Bonse Balafwaya Ukuti Bakabe ne Nsansa ku Ntanshi
Bushe imwe mufwaya ifintu fikabe shani ku ntanshi? Abantu abengi balafwaya ukuti ifintu fikabe bwino ku ntanshi pamo no lupwa lwabo, bakabe no bumi ubusuma kabili bakalekwata ne fyo bakabila. Ukwabula no kutwishika ifi na imwe e fyo mufwaya.
Na lyo line, abantu abengi balatwishika nga ca kuti ifintu fikaba ukulingana ne fyo bafwaya. Ne calenga ni co balimonapo ifintu ifingi ifyabipa ificitika ifyalenga imikalile ya bantu ukwaluka pamo nga ubulwele bwa COVID-19, bamo balisanguka abapiina e lyo bambi balifwa. Ici calenga abantu balemona kwati tabakatale ababa ne nsansa ku ntanshi.
Ifyabipa ificitika e filenga abantu balefwaisha sana ukwishiba ifikacitika ku ntanshi. Abantu bamo bamona kwati ifintu fimo nga fyacitika ninshi e fyo Lesa atantike. Bambi balasambilila sana no kukwata ifyuma kabili bamona kwati ukucita ifi e kwingalenga bakwata fyonse ifyo bakabila. E lyo bambi bamona kwati ukuba umuntu umusuma e kwingalenga baba ne nsansa.
Bushe ifi fyonse twalandapo e fikalenga mukakwate ifyo mufwaisha ku ntanshi? Pa kwasuka ici cipusho mulingile ukutontonkanya pa mepusho yakonkapo:
Finshi fingalenga mwaisaba ne nsansa ku ntanshi?
Bushe ukusambilila no kukwata icuma kuti kwalenga mwaisaikala bwino ku ntanshi?
Bushe ukuba umuntu umusuma kuti kwalenga mwaisaba ne nsansa ku ntanshi?
Ni kwisa mwingasanga ifingalenga mwaisaba ne nsansa ku ntanshi.
Kuti mwasanga amasuko kuli aya mepusho muli luno lwine Ulupungu lwa kwa Kalinda.
Nalimo Kuti Mwatemwako ne fi
AMALYASHI AYALEKANALEKANA
Isubilo lya Kuti Ifintu Fikawama ku Ntanshi lya Cine
Mulandu nshi ifyo amalayo yaba mu Baibolo yapusana ne fyo abantunse balaya no kusobela?
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
AMASAMBILISHO YA MU BAIBO AYACINDAMA
Bushe Baibolo Cebo ca kwa Lesa?
Nga ca kuti Lesa e walengele Baibolo ilembwe, ninshi ifwile ukucila ifitabo fimbi ifyabako.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
