Amalumbo 36:1-12
Ku ng’omba nkalamba. Ulwa kwa Davidi, umubomfi wa kwa Yehova.
36 Mu mutima wa mubifi muli amashiwi ya bumpulamafunde;+Tatiina Lesa.+
2 Pantu aiwaminisha umwine mu menso yakwe+Pa kuti asange ulubembu lwakwe ukuti alupate.+
3 Amashiwi ya mu kanwa kakwe ya kukalifya kabili ya bucenjeshi;+Takwete ukushilimuka kwa kucita icisuma.+
4 Apanga buncitatubi pa busanshi bwakwe.+Eminina pa nshila iishawama.+Icabipa tacikaana.+
5 Mwe Yehova, icikuuku cenu cili mu muulu+Icishinka cenu cafika mu makumbi.+
6 Ubulungami bwenu bwaba kwati ni mpili sha kwa Lesa;+Ubupingushi bwenu bwaba nga bemba mukalamba.+Mupususha umuntu ne nama, mwe Yehova.+
7 Icikuuku cenu, mwe Lesa, calicindama nga nshi!+Kabili mu cintelelwe ca mapindo yenu e mo abana ba bantu bafisama.+
8 Bekuta ifya mafuta mu ng’anda yenu;+Kabili mubanwensha ifisuma ifingi nga nshi.+
9 Pantu kuli imwe e kwaba intulo ya mweo;+Ku lubuuto ulufuma kuli imwe e ko tumwena ulubuuto.+
10 Icikuuku cenu cibe pe ku bamwishiba,+No bulungami bwenu ku balungama imitima.+
11 Iye shi lwinjimina ulukasa lwa matutumuko;+Kabili mwileka ukuboko kwa babifi kunenge ukulubanta.+
12 Kulya e kwawila abacita ifya kukalifya;+Nabasunkilwa pa nshi kabili nabafilwa ukwima.+