?Ngue yɛle Ɲanmiɛn Sielɛ’n?
Sran kaka be srɛ Ɲanmiɛn kɛ ɔ yo naan i Sielɛ’n i blɛ’n ju. ?Sanngɛ ngue yɛle Ɲanmiɛn Sielɛ’n? ?Yɛ ngue yɛ ɔ́ wá yó-ɔ?
NDƐ NGA BIBLU’N KAN’N:
?Ngue yɛle Ɲanmiɛn Sielɛ’n?
Ɲanmiɛn Sielɛ’n ti awa kun m’ɔ o ɲanmiɛn su lɔ-ɔ. Zezi Klisi yɛ ɔ ti i su famiɛn’n niɔn.—Ezai 9:6, 7; Matie 5:3; Liki 1:31-33.
?Ngue yɛ Ɲanmiɛn Sielɛ’n wá yó-ɔ?
Ɲanmiɛn Sielɛ’n wá yí sa tɛtɛ kwlaa ng’ɔ o mɛn’n nun’n. Yɛ ɔ́ yó maan sran’m bé dí fɔundi asiɛ’n su tititi.—Daniɛl 2:44; Matie 6:10.
?Kɛ be se kɛ be dun mmua kunndɛ Ɲanmiɛn Sielɛ’n i bo’n yɛle benin?
I bo’n yɛle kɛ e suan Ɲanmiɛn i Sielɛ’n i bo. Kpɛkun e lafi su kɛ i kunngba cɛ yɛ ɔ́ yó maan asiɛ’n su tranlɛ’n yó fɛ kɛ nga Ɲanmiɛn bɔbɔ fa kunndɛ’n sa.—Matie 6:33; 13:44.
