?Ndɛ Benin yɛ Biblu’n kan ɔn?
?Ngue yɛle Ɲanmiɛn Sielɛ’n?
SRAN WIE’M BE WAAN Ɲanmiɛn Sielɛ’n o be awlɛn’n nun. Yɛ wie’m be bu i kɛ ɔ ti sran sa nuan like, naan i ti yɛ fɔundi’n trán asiɛ’n su ɔ. ?Yɛ ɔ li, a bu i sɛ?
NDƐ NGA BIBLU’N KAN’N
“Nyanmiɛn m’ɔ o nglo lɔ’n ɔ́ síe famiɛn diwlɛ kun m’ɔ su saciman le. [...] Famiɛn diwlɛ sɔ’n ɔ́ núnnún [sran’m be] famiɛn diwlɛ kun nga mun.” (Daniɛl 2:44) Ɔ maan, Ɲanmiɛn Sielɛ’n ti famiɛn diwlɛ kun.
?NGUE EKUN YƐ BIBLU’N KLE Ɔ?
Ɲanmiɛn Sielɛ’n o ɲanmiɛn su lɔ.—Matie 10:7; Lik 10:9.
Ɲanmiɛn Sielɛ’n ti’n, be mɔ be o asiɛ’n su wa’n bé yó Ɲanmiɛn klun sa kɛ be mɔ be o ɲanmiɛn su lɔ’n be yo’n sa.—Matie 6:10.
?Cɛn benin yɛ i blɛ’n jú ɔ?
?Á TƐ́ SU SƐ?
Sran fi siman cɛn’n.
Ɔ cɛ kan ɔ́ jú.
Ɔ su juman le.
NDƐ NGA BIBLU’N KAN’N
“Bé wá kán Nyanmiɛn sielɛ’n i jasin fɛ nga mɛn wunmuan’n nun naan sran’n kwlaa be ti Nyanmiɛn ndɛ’n. I sin yɛ mɛn i awieliɛ’n ɔ́ jú-ɔ.” (Matie 24:14) Kɛ sran kwlaa ko ti Ɲanmiɛn ndɛ’n yɛ Ɲanmiɛn Sielɛ’n i blɛ’n jú ɔ. Kpɛkun, klunwifuɛ’m be su tranman lɛ kun.
?NGUE EKUN YƐ BIBLU’N KLE Ɔ?
Sran fi siman cɛn nga Ɲanmiɛn Sielɛ’n i blɛ’n jú’n.—Matie 24:36.
Sa nga Biblu’n kan be ndɛ’n be kle kɛ ɔ ka kan’n, Ɲanmiɛn Sielɛ’n i blɛ’n jú.—Matie 24:3, 7, 12.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Nin yɛ Ɲanmiɛn Sielɛ’n wo-ɔ?
?Kɛ Biblu’n se kɛ “Ɲanmiɛn Sieliɛ’n wo amun afiɛn’n” i bo’n yɛle bo?
