Be nga be wun yo be kɛ be ngunmin yɛ be o sa’n, be su sɔn—I su ndɛ nga Biblu’n kan’n
Fluwa sifuɛ’m be sieli i nzɔliɛ kɛ mɛn wunmuan’n nun’n, a kɛ be fa sran nnan’n, be nun kun o lɛ mɔ i wun yo i kɛ i ngunmin yɛ ɔ o sa-ɔ.
Be flɛ bla kun kɛ Sido Mpɛnba. Ɔ ti anuannzɛ ng’ɔ nian sran’m be awunkpinndiɛ’n su’n, i su kpɛn kun. Ɔ seli kɛ: “Ɔ leman sran kun m’ɔ kwla se kɛ i wun kwlá yomɛn i kɛ i ngunmin yɛ ɔ o sa-ɔ. I sɔ sa’n kwla ɲan sran kwlakwla.”
Sran kpanngban be bu i kɛ oke mun annzɛ be nga be ngunmin be tran lika wie mmua kpa’n, be ngunmin yɛ sa sɔ’n kwla ɲan be-ɔ. Sanngɛ nán kɛ ɔ ti sɔ-ɔ. Afin gbanflɛn nin talua mun, nin be nga be wun sanndi be’n, nin be nga be dunman w’a fu mɛn’n nun’n, ɔ nin be nga b’a ja bla annzɛ bian’n, be wun kwla yo be sɔ wie. Be nga be wun yo be sɔ’n, be kwla tɔ su tukpacɛ bɔbɔ.
Be flɛ dɔɔtrɔ bian kun kɛ Vivɛki Mɛɛfi. Ɔ o Etazinin lɔ. Ɔ seli kɛ: “Kɛ sran kun se kɛ i wun yo i kɛ i ngunmin yɛ ɔ o sa’n, ɔ wunmɛn i wun fɛ mlɔnmlɔn. Sanngɛ ɔ kaman ngalɛ’n su. Ɔ kwla wu bɔbɔ. Wafa nga siklɛti blu-nin-nnun tra su nɔnlɛ aliɛ ba kwlaa nun’n kwla kun sran kun ndɛndɛ’n, i kunngba’n yɛ be nga ɔ yo be kɛ be ngunmin yɛ be o sa’n, wafa nga be wun yo be’n ti’n be kwla wu wie-ɔ.”
Ndɛ nga Biblu’n kan’n
E Yifuɛ’n kunndɛman kɛ e tran e liɛ ngunmin. Like nga Ɲanmiɛn kunndɛ laa lele andɛ’n yɛle kɛ klɔ sran’m be nin be wiengu’m be tran fɛfɛ likawlɛ, be tra janvuɛ naan be di i kwlaa sɔ’n su aklunjɔɛ.
Biblu’n nun ndɛ’n: ‘Ɲanmiɛn seli kɛ: “Sɛ sran’n i ngunmin tran’n, ɔ timan kpa.”’—Bo Bolɛ 2:18.
Ɲanmiɛn kunndɛ kɛ e fa e wun e mɛntɛn i. I waan sɛ e mian e ɲin e fa e wun e mɛntɛn i’n, ɔ́ fɛ́ i wun mántan e.—Zaki 4:8.
Biblu’n nun ndɛ’n: “Be nga be wun i wlɛ kɛ be mian Ɲanmiɛn wun’n be liɛ su ti ye, afin ɲanmiɛn su lɔ Famiɛn Diwlɛ’n ti be liɛ.”—Matie 5:3.
Ɲanmiɛn kunndɛ kɛ e nin e wiengu mun e su i likawlɛ. Kɛ e yo sɔ’n, e klun jɔ.
Biblu’n nun ndɛ’n: “Maan e wiengu ndɛ lo e, maan e wla e wiengu fanngan naan e yi klolɛ’n i nglo, naan e yo sa kpa. Nán maan e yaci yialɛ. […] Sanngɛ maan e wla e wiengu fanngan.”—Ebre Mun 10:24, 25.
Sɛ a kunndɛ kɛ á sí sa nga ti yɛ ɔ ti cinnjin kɛ e fa e wun e mantan sran naan nán e yo e ninnge liɛ mun ngunmin’n, kanngan ndɛ akpasua nga be flɛ i kɛ “ La solitude à l’ère de la communication ” nun.
a The Global State of Social Connections, by Meta and Gallup, 2023.
Ninnge wie mɔ be kwla yo ɔ fɛ ekun'n
BIBLU’N NUN NDƐ CINNJIN MUN
?E kwla tra Ɲanmiɛn i janvuɛ?
Kɛ ɔ fɛ i laa lele’n, sran’m be kunndɛ kɛ bé sí be Yifuɛ’n. Biblu’n kwla uka e naan y’a yo Ɲanmiɛn i janvuɛ. I janvuɛ tralɛ’n bo i bo nin i dunman’n i silɛ.
