Te fe tyèʼ, Jéova le be tcheng ge baya toundye le pe djap tam ne bemte kwiʼ pinthum yap, neng gre ge khoungne yap kwye. (Deutéronome 6:6, 7) Ya ne gre te Mkwithè Jéova pe baya gapdzu le djap taʼ tam ne gre Jiʼte toundye. Wap tchwe ne taʼ tsuʼ ye a poung a, bemte​—gôm nwe ne potse jwégne mye a we dé wap a. Ba be ye o tchwe do o a, pe de tam ne dagne potse tsye a poung o a ne Si tchum Bible. A gô ha mejye bou ne pe beng Si ne mtam bôô.

A be taʼ tam ne fouʼ ne ha beng Jéova. “Po fouʼte ne tsô ha beng Si, é fouʼte ne é ha beng po.” (Yakop 4:8) Yôkpe ne jye Jéova kwiʼ tchwe ye pe djô ye ma ba mfaʼ mye tchum ghôm tsye, ye a be Bible a. Taʼ tchi be a hwi ne tchu yô jiʼte toundye be ne pe bemte khé Bible te tse. Po fing mouʼtchwe ne le ye pap Bible ye pe khé ne goung mgapdzu ne tchouʼte tchi ne tchwe pou a faʼ a. Baya mo le fing ne ké taʼ pap, ne ming, bawele ghôm ywe ye ye bô pap Bible dagne é a.

A be taʼ tam ne fouʼ ne ha beng pô toundye. Tchwe ye mbè pou djwi é, Mta po pou a po pap bemte jiʼte Bible a, koungne yap khwye. A tcheng ge a pe taʼ tam hwite, ŋwègne pe si, taʼ tam ye bawele sengne ge a ŋwak a. Mta po gô pe lé deng mgouʼdzu po pap te ne jye tchi ywe ye wap gô ghôm nwe ne a. Wap fing ne wim Dye Djapnè ba Réveillez-vous ! Ke ba sit internet yôk, jw.org le. Po fing ne ghôm nwe ne mketuʼ mye pekhu pô gre tsuʼ sekou a ba paʼ wap fing ne ghe te sôk ma bô a. Po fing ba ne yô potse mye pou daʼte ne JW Télédiffusion a (tv.isa4310.com), neng gôm nwe ne. Ne jiʼte toundye yô, po fing ba ne lagne mjwôpshye tchouʼte.

Yeng tam gwye ye po a toundye yô bemte gamte Si ne baya gapdzu a gô kwite wô ne le ŋwègne jiʼte ghôm Si. Si gô neng ning byagne ne kaktuô yô.​—Psaume 1:1-3.

• Nweke pye pe djap tam ne gre jiʼte toundye?

• Mta po fing ne ghe ge tam ne gre jiʼte toundye pe taʼ tam ŋwègne m ge ke?