JWÔPSHYE 107
Pe fo’te koungne Si
-
1. Pe fo’te koungne, koungne Jéova Si
A da’ te jye bi pe.
Mbou fa’ Jéova da’te gé koung wôkpe
Pe fo’te Si ! Si koungne gwye !
É lé ha Yéso, ha Mou é ye tuôdeng;
Ne pfôpte mhô wè, ne pfôpte mhô môkpe.
Pe de ya ne djô— djô ye me koungne gwye,
É be koungne ! Mdjye mye be koungne !
-
2. Pe ying ne mtcho’ Si, be yôkpe koungne gô
Tchente kwye, pe nyenyô.
Ne tsegne wôkpe ne pe kwite mfemfe
Te khyak sôm mo, te tak sôm mo.
Ne tchente koung Si be ne koung mfe pôkpe;
Neng tchente koung wap, koung wap pe te lwô’ bo.
Pe ghe ma ne pe duôgne mhô mfe pôkpe.
Pe tôm koungne, kwa’ koungne mfemfe.
-
3. Koungne de hwite ne thamte wôkpe awè
Tchum toundye Jéova.
Ta yôkpe kèbeng de ŋwègne khé wôkpe
Ge pe sô’ tchum ghamte nyenyô.
Sô’ gapte koungne, bing gapte ba ŋwègne;
Jwégne dôlô Si ba Ghôm tsye thôm wôkpe.
Mfe pôkpe khamte bi pe ge medjye Si
Be jye pepoung, é be Si koungne.
(Yô ba Roma. 12:10; Éfé. 4:3; 2 Pèt. 1:7.)