Di taon 2014, si Hugo na marumur sampulu taon mandapot Penghargaan Putri Diana sian lembaga kemanusiaan Inggris, ala mangurupi akka dongan sasikkolana mangadopi sipangarehei.

Didok si Hugo, “Alani video animasi papan tulis Marbisuk ma Hamu Mangadopi Sipangarehei do umbahen na mandapot penghargaan au. Gabe wakil program mangadopi sipangarehei ma au alani video i.”

Mulana, dipatuduhon ibana video i tu akka guruna jala lomo do roha ni nasida tu video i. Diatur ma asa boi sude murid mambukka situs jw.org. Saonari, gumodangan siswa na marumur ualu sahat tu sampulu taon jotjot mambukka jw.org. Akka siswa paboahon, jw.org nungnga mangurupi nasida mangadopi sipangarehei. Jala dapotnasida ma alus ni sukkun-sukkun songon, Songon dia do asa adong ale-alekku?

Di sikkola na asing di Inggris, si Elijah na marumur ualu taon jotjot direhei. Diulas ibana ma video i rap dohot natua-tuana. Rap marlatik ma nasida taringot aha na ikkon dihatahon jala diulahon tikki direhei. Gabe barani ma si Elijah mangadopi sipangarehei. Dung i, tikki adong program mangadopi sipangarehei di sikkolana, dipatuduhon kepala sekolahna ma video i tu sude murid.

Dang holan di Inggris adong sipangarehei, di liat portibi on pe adong do. Jala video on nungnga mangurupi godang na poso manang didia pe.

Di Amerika Serikat, si Ivie na marumur sappulu taon mabiar tu dongan sasikkolana na jotjot mangarehei. Dung ditonton video i, gabe barani ma ibana. Dipaboa ma tu guruna taringot donganna i jala diurupi guruna ma ibana. Mangakku sala ma donganna i jala saonari gabe mardongan ma nasida.

Disarihon Saksi Jahowa do akka na poso. Sai na lehononnami do akka poda na boi mangurupi na poso mangadopi masalah ni nasida songon taringot sipangarehei.