Boi do Sasahalak Mangido Kaluar sian Organisasi ni Saksi Jahowa?

PANGOLU

Boi. Adong dua cara molo naeng kaluar sian organisasinami:

Resmi. Sian pakkataion manang marhite surat, boi do sasahalak mandok dang lomo be rohana gabe sahalak Saksi Jahowa.
Sian parniulaon. Sian parniulaon, boi do sasahalak patuduhon na so sipardohot be ibana tu organisasi Saksi Jahowa. (1 Petrus 5:9) Umpamana, nungnga parsidohot ibana tu ulaon ni agama na asing jala marsakkap lao toktong disi.—1 Johannes 2:19.

Songon dia do molo sasahalak dang marbarita na uli be jala dang be ro tu parpunguan? Naung kaluar do i?

Dang, dang songon i. Mangido kaluar, dang sarupa tu na gale haporseaonna. Olo do ra gale haporseaon ni sasahalak alani mandele, dang ala na manadikkon haporseaonna. Dang dipasiding hami halak sisongon i, gariada marsitutu do hami mangalehon pangapulion dohot pangurupion. (1 Tessalonik 5:14; Judas 22) Boi do sittua mangalehon pangurupion di partondion, molo olo sasahalak diurupi.—Galatia 6:1; 1 Petrus 5:1-3

Alai, dang adong hak ni sittua mamaksa sasahalak asa toktong gabe Saksi Jahowa. Marhak do ganup halak mamillit agamana sandiri. (Josua 24:15) Pos do rohanami halak na mamillit manomba Debata, mamillit sian ias ni rohana.—Psalmen 110:3; Mateus 22:37.