Loja do hamu mamikkiri akibat ni virus corona on? Dang holan hamu na merasa songon i. Saleleng marbulan-bulan, godang do halak di liat portibi on mambahen penyesuaian na baru tu ngoluna alani virus corona on. Dr. Hans Kluge Direktur Regional Organisasi Kesehatan Dunia na tu Eropa mandok, “Godang do halak mambahen pengorbanan asa unang menyebar be virus corona. Alai godang do muse halak na so semangat jala na hurang parduli, ala diida nasida dang lam denggan situasi on. Loja do nasida marpikkir alani virus corona on.”

 Molo loja do hamu alani pandemi, unang ma mandele hamu. Godang do halak boi mangatasi situasi on ala marsiajar Bibel nasida. Hamu pe boi do songon nasida.

•  Aha do maksudna loja alani pandemi?

•  Boasa tadok masalah serius do loja alani pandemi on?

•  Ayat ni Bibel na dia do na boi mangurupi hamu mangatasi pakkilalaan na loja alani pandemi?

•  Akka ayat ni Bibel na boi mangurupi tikki loja alani pandemi

 Loja alani pandemi on dang goar ni sada sahit. Alai istilah on patuduhon aha na dihilala halak ala berubah ngolu ni nasida alani pandemi, jala khawatir nasida songon dia masa depanna di ari na naeng ro. Memang berbeda-beda do tanggapan ni akka halak alani pandemi on. Alai songon on ma tandana akka halak na loja alani pandemi:

•   Hurang semangat

•   Berubah kebiasaanna mangan dohot modom

•   Mura-mura muruk

•   Stres mangulahon karejo na biasana mura dikarejoi

•   Maol konsentrasi

•   Mura mandele

 Loja marpikkir alani pandemi on boi do berbahaya tu diritta dohot tu halak na asing. Molo dang hati-hati hita, boi do gabe taabaihon petunjuk protokol kesehatan. Lam leleng boi do gabe sepele di hita bahaya ni virus corona i, nang pe virus corona i torus menyebar jala mambahen godang halak mate. Mungkin loja do hita alani akka batasan na dibahen saleleng pandemi. Jadi gabe naeng bebas ma hita, hape berbahaya do i tu diritta dohot tu halak na asing.

 Di situasi pandemi saonari, godang do halak merasahon na sittong hata ni Bibel na mandok, “Molo metmet roham tikki masa hasusaan, moru ma gogom.” (Poda 24:10) Godang do nasehat ni Bibel na boi mangurupi hita mangatasi situasi na maol, termasuk ma i pandemi on.

•   Hindari ma kontak fisik, alai tetap ma berkomunikasi tu nasida

   Na didok Bibel: “Sai dipatudu ale-ale do holong ni roha . . . tikki masa sitaonon.”—Poda 17:17.

   Boasa penting: Dongan na burju boi do mangurupi hita gabe sabar. (1 Tessalonik 5:11) Alai molo menyendiri do hita, boi do i berbahaya tu kesehatanta.—Poda 18:1.

   Coba ma on: Tetap ma hamu berkomunikasi tu donganmuna melalui video call, telepon, email manang chatting. Hubungi ma donganmuna i tikki lungun rohamuna jala jotjot ma sukkun kabar ni nasida. Boi do hamu marsipaboaan saran taringot songon dia caramuna menghadapi pandemi saonari. Coba ma ulahon sada cara na boi mangurupi donganmuna. On boi mambahen hamu dohot donganmuna i gabe marlas ni roha.

•   Denggan ma tamanfaatton situasi saonari

   Na didok Bibel: “Denggan ma pakke tikkimuna.”—Epesus 5:16.

   Boasa penting: Molo tapakke denggan tikkitta boi ma hita tetap positif jala dang terlalu khawatir.—Lukas 12:25.

   Coba ma on: Daripada torus mamikkiri aha na so boi diulahon hamu, coba ma pikkirhon aha na boi diulahon hamu saonari. Misalna, boi do diulahon hamu hobi manang kegiatan na asing saonari on? Boi do unggodang dilehon hamu tikkimuna tu keluarga?

•   Bahen ma jadwalmuna jala ulahon ma i

   Na didok Bibel: “Ikkon denggan do sude mardalan jala taratur.”—1 Korint 14:40.

   Boasa penting: Godang do halak lebih tenang jala umlas rohana molo adong jadwal na lao diulahon ibana.

   Coba ma on: Bahen ma jadwal na cocok tu situasimuna saonari. Bahen ma tikkimuna lao mambahen tugas sikkola, tugas kantor, tugas di jabu, dohot mangulahon kegiatan rohani. Ulahon ma akka ulaon na parohon na denggan tu hamu, songon makkata-hatai dohot keluarga, menghirup udara segar, dohot olahraga. Rutin ma hamu mamareso jadwalmuna i, atik boha adong perubahan na porlu dibahen hamu.

•   Sesuaihon ma dirimuna tu perubahan cuaca

   Na didok Bibel: “Molo dibereng halak na marbisuk adong jea, martabuni do ibana.”—Poda 22:3.

   Boasa penting: Di piga-piga inganan marasing-asing do cuaca dohot musim. Mungkin on mambahen hamu gabe maol mandapot udara segar dohot sinar matahari. Hape penting do i tu kesehatan fisik dohot mentalmuna.

   Coba ma on: Molo naeng masa nama musim dingin, coba ma atur ruang tamu manang ruang kerjamuna asa boi mandapot godang cahaya matahari. Bahen ma rencana lao mangulahon piga-piga kegiatan na boi diulahon di luar ni jabu nang pe ngali cuaca. Molo boi do, lului ma pakkean na tebal asa boi ulleleng hamu di luar.

   Molo naeng masa musim panas, jotjot do godang halak di luar ni jabu. Jadi hati-hati ma hamu. Bahen ma rencana na denggan lao tudia do hamu lao, jala lao ma hamu tu inganan i tikki sepi.

•   Tetap ma ihutton protokol kesehatan

   Na didok Bibel: “Gumarapus do halak na oto jala papossu tu dirina sandiri.”—Poda 14:16.

   Boasa penting: Berbahaya do virus corona on boi do mambahen mate halak, jala molo dang tajaga diritta boi do hita tertular virus i.

   Coba ma on: Ringgas ma hamu memeriksa petunjuk protokol kesehatan na marlakku di ingananmuna. Pastihon ma na torus diulahon hamu petunjuk i. Pikkirhon ma aha pengaruh ni tindakanmuna tu dirimuna sandiri, tu keluargamuna, dohot tu na asing.

•   Pajonok hamu ma hubunganmuna tu Debata

   Na didok Bibel: “Pajonok hamu ma tu Debata, dung i pajonokonna ma tu hamu.”—Jakobus 4:8.

   Boasa penting: Sanggup do Debata mangurupi hamu mangatasi tantangan manang aha pe.—Jesaya 41:13.

   Coba ma on: Jaha ma Bibel ganup ari. On do cara na parjolo na boi pajonokkon hamu tu Debata.

 Coba ma hubungi Saksi Jahowa lao mamboto songon dia cara ni nasida boi tetap beribadat saleleng pandemi on. Jala sukkun ma songon dia carana asa boi hamu dohot tu parpunguan i. Misalna, dipakke Saksi Jahowa di liat portibi on do video conference tikki beribadat, memperingati ari hamamate ni Jesus, dohot mambahen parpunguan na balga setiap taon.

 Jesaya 33:24: “Dang adong nanggo sahalak pe na maringanan disi na mandok, ‘Marsahit do au’.”

 Artina: Marjanji do Debata lao manalpuhon sude sahit.