Unggodang do saonari terjadi konflik bersenjata molo dibandingkon tu akka na masa mulai sian Perang Dunia II. Adong ma hira-hira dua miliar halak na hona dampak ni konflik on. Sian on boi ma taboto, dang sanggup akka pamimpin dohot organisasi internasional mambahen dame portibi on.

 Boasa dang boi jolma mambahen dame portibi on? Aha do na didok Bibel taringot i?

1.  1. Godang halak saonari dang denggan pangalahona. Alani i gabe maol ma dame portibi on. Songon naung didok Bibel hian, “makkaholongi dirina sandiri ma jolma, holongan di hepeng, marhata manggang, ginjang rohana, . . . dang setia, . . . dang olo mardos ni roha, . . . dang diboto mangorom diri, parmuruk-muruk, . . . sijogal rukkung, sombong”.​—2 Timoteus 3:2-4.

2.  2. Dang sanggup jolma pasaehon sude masalah na terjadi di portibi on molo dang diurupi Jahowa. a Alana Bibel mandok, “dang marhuaso jolma lao manottuhon lao tudia ibana mangalakka”.​—Jeremia 10:23.

3.  3. Sibolis do na mangarajai saluhut portibi on. Parhuaso na jahat do ibana “na mangaliluhon” sude jolma di tano on. (Pangungkapon 12:9) Saleleng ‘di bagasan huaso ni Sibolis dope saluhut portibi on’ pasti sai terjadi do porang dohot konflik.​—1 Johannes 5:19.

 Nang pe dang boi jolma mambahen dame portibi on, alai Bibel paposson rohatta boi do Debata pasautton i.

•   “‘Ai takkas do huboto aha na lao bahenokku tu hamu,’ ninna Jahowa, ‘hadameon do na lao bahenokku tu hamu dang jea. Jala marjanji do Au na boi pos rohamuna na lao denggan do ngolumuna di ari na naeng ro.’”​—Jeremia 29:11.

 Songon dia do bahenon ni Debata lao pasautton on? Nungnga marjanji Ibana lao “mangaripasson Sibolis”. (Rom 16:20) Marhite “Harajaon ni Debata”, bahenonna ma dame saluhut portibi on. (Lukas 4:43) Jesus do na gabe Raja di Harajaon ni Debata. Molo dung mamaretta ibana tu tano on, urupanna ma sude jolma asa mardame.​—Jesaya 9:6, 7.

•   Asa lam takkas diboto hamu taringot on, jaha ma artikel “Aha do na Lao Diulahon Harajaon ni Debata?”