ENDE 4
Jahowa do Parmahanku
-
1. Jahowa do Parmahanku
Na manogu dalanku.
Takkas do diboto Ibana
Na di bagas rohakku.
Sai toguonna do au
Tu dalan hasittongan.
Gomos do hutiop tanganna i,
Asa dame rohakki.
Gomos hutiop tanganna i,
Asa dame rohakki.
-
2. Mangulahon parettana,
Mambahen las rohakku.
Podana patoguhon roha,
Mangalinggomi au.
Marragam do sitaonon
Mambahen lungun roha.
Toktong ma huingot hatana i,
Asa marlas ni roha.
Toktong huingot hatana i,
Asa marlas ni roha.
-
3. Jahowa do Parmahanku,
Pangapul na sumurung.
Margogo do au dibahen
Nang pe marsitaonon.
Toktong do sai hurimangi
Sude haburjuonmi.
Balga ni holongmi, O Jahowa
Na sai toktong huingot.
Balga ni holongmi, Jahowa
Na sai toktong huingot.