Pengetahuan na Mambahen Hita Jonok tu Debata
Dang holan gogo manang huaso na adong di Debata. Alai godang do muse akka sifat ni Debata na denggan. Lomo do roha ni Debata asa tatanda Ibana jala jonok hita tu Ibana. (Johannes 17:3; Jakobus 4:8) Alani i ma boasa godang dipaboa Debata tu hita taringot ibana.
Adong do Goar ni Debata
“Asa diboto nasida Ho do na margoar Jahowa, Holan Ho do Natumimbul di saluhut tano on.”—PSALMEN 83:18.
Didok di Bibel, holan Jahowa do Debata na sittong. Ibana do na manoppa sude alam semesta on dohot sude akka na mangolu. Jadi, holan Ibana do na ikkon tasomba.—Pangungkapon 4:11.
Jahowa Debata Parholong
“Holong do Debata.”—1 JOHANNES 4:8.
Boi ma taboto akka sifat ni Debata sian Bibel dohot sian akka na ditoppa Ibana. Holong ma sifat ni Debata na paling utama. Sude na diulahon Debata, alani holongna do. Alani i molo lam tatanda Jahowa, lam holong ma rohatta tu Ibana.
Jahowa Debata na Olo Mengampuni
“Debata na rade manalpuhon hasalaan do Ho.”—NEHEMIA 9:17.
Diboto Jahowa do hita jolma na so sempurna. Alani i, rade do Ibana ‘manalpuhon hasalaanta’. Molo taakkui kesalahanta tu Jahowa, jala berupaya hita asa unang mangulahon i be, pasti diampuni Jahowa do hita. Jala dang dihukum Ibana hita alani salatta najolo.—Psalmen 103:12, 13.
Lomo do Roha ni Jahowa Asa Martangiang Hita tu Ibana
“Jonok do Jahowa tu sude halak na jou-jou tu Ibana. . . . Ditangihon Ibana do angguk-angguk ni nasida na mangido asa diurupi.”—PSALMEN 145:18, 19.
Dang porlu ikkon tabahen acara na istimewa manang tapakke patung manang akka benda na asing, tikki manomba Jahowa. Songon natua-tua na holong rohana tu ianakkonna, pasti olo do ibana manangihon ianakkonna tikki marcerita tu ibana. Dos songon i ma nang Debata, olo do Ibana manangihon tangiangta.
Mungkin Lomo do Rohamuna Mamboto
ALUS NI BIBEL
Pribadi na Nyata do Debata i?
Didok di Bibel, ditoppa Debata do sude marhite huasona na balga, alai boha do perasaanna mangida hita? Parduli do Ibana tu hita?
