Bibel marisi 66 bukku, jala disurat ma i lobi sian 1.600 taon. Bibel marisi “hata ni Debata”.—1 Tessalonik 2:13.

Dibahas ma di artikel on

•  Hatorangan taringot Bibel

•  Aha do isi ni Bibel i?

•  Naung muba do isi ni Bibel?

•  Boasa godang terjemahan ni Bibel?

•  Ise do na marhak manottuhon na disurat di Bibel?

•  Adong do bukku na di Bibel na mago?

•  Songon dia do carana mangalului ayat di Bibel

•  Daftar ni bukku na di Bibel

•   Ise do na manurat Bibel? Debata do Pengarang ni Bibel, jala dipakke Ibana do 40 bawa lao manurat i. Deba sian akka bawa i, i ma si Musa, Raja Daud, si Mateus, si Markus, si Lukas, dohot si Johannes. a Dibahen Debata do akka panurat i asa boi manuratton pikkiranna.—2 Timoteus 3:16.

   Contohna: Molo adong sahalak pengusaha manuru sekretarisna manuratton aha na adong di pikkiranna, nang pe holan garis besarna dipaboa, tong do pengusaha i na mengarang surat i. Suang songon i ma tong tikki dipakke Debata jolma lao manurat aha na di pikkiranna. Ibana do Pangarang ni Bibel.

•   Aha do lapatan ni hata “Bibel”? Hata “Bibel” dibuat sian bahasa Junani, biblia, lapatanna “akka bukku na gelleng”. Saonari hata biblia i, lapatanna kumpulan ni akka bukku na gelleng na dipasada gabe Bibel.

•   Andigan do mulai disurat Bibel? Bibel mulai disurat taon 1513 SM jala sae ma i hira-hira taon 98 M. Jadi saleleng 1.600 taon ma i disurat sappe sae.

•   Didia do salinan asli ni Bibel? Dang adong be salinan asli ni Bibel saonari. Alana Bibel najolo disuratton di bahan na mura sega, songon papirus dohot perkamen. Alai disalin akka penulis profesional do salinan ni Bibel sian abad tu abad, asa boi mampartahatton isina tu akka halak di ari na naeng ro.

•   Aha do “Perjanjian Lama” dohot “Perjanjian Baru” i? Perjanjian Lama, i ma bagian ni Bibel na disurat mamakke bahasa Heber, b manang digoari do on muse Akka Bukku Heber. Jala Perjanjian Baru dipakke tu bukku ni Bibel na disurat mamakke bahasa Junani, digoari do on muse Akka Bukku Junani Kristen. Dipasada ma na dua bagian on gabe sada bukku jala on ma na digoari Surat na Badia. c

•   Akka aha do na adong di Bibel? Godang do isi ni Bibel. Adong sejarah, akka hukum, surirang, puisi, akka poda, akka ende, dohot akka surat.—Ida “ Daftar ni bukku na di Bibel”.

 Di bagian awal ni Bibel i, dipaboa do cara ni Debata na Marhuaso i manoppa langit dohot tano on. Marhite Bibel, dipaboa Ibana do muse ise goarna, i ma Jahowa. Jala lomo do rohana asa ditanda jolma Ibana.—Psalmen 83:18.

 Dipaboa do di Bibel nungnga dileai be Debata, jala dipaboa do muse songon dia Ibana pabadiahon goarna.

 Dipaboa do di Bibel tujuan ni Debata manoppa jolma dohot tano on. Jala dipatudu do muse songon dia Debata lao manalpuhon akka na mambahen jolma susa di ari na naeng ro.

 Adong do muse di Bibel akka saran na denggan tu ngolutta siganup ari. Misalna:

•   Cara mampartahatton hubungan na denggan. “Sude na dihalomohon rohamuna bahenon ni halak tu hamu, ikkon songon i do bahenonmuna tu nasida.”—Mateus 7:12.

   Artina: Songon dia na tahalomohon dibahen halak tu hita, ikkon songon i ma na taulahon tu nasida.

•   Mangatasi stres. “Unang ma holsoan hamu lao mamikkiri taringot ari sogot. Ai asing do na taholsohon sadari on dohot di ari sogot. Ganup ari adong be do hasusaanna.”—Mateus 6:34.

   Artina: Unang ma palobihu hita mamikkirhon aha na lao masa di ari na naeng ro. Alai dumenggan do hita mamikkirhon na masa sadari on.

•   Asa bahagia perkawinan. “Ikkon haholonganmuna do istrimuna songon makkaholongi dirimuna. Jala ikkon sangap do bahenon ni istri tu suamina.”—Epesus 5:33.

   Artina: Ikkon masihaholongan jala ikkon saling menghargai do asa bahagia perkawinan.

 Daong. Manat do dibandingkon akka peneliti manuskrip ni Bibel najolo dohot isi ni Bibel saonari. Jala diida nasida do dang muba isi ni Bibel i tu salinan ni Bibel najolo. Masuk akkal do i, alana molo lomo roha ni Debata dijaha jala diattusi hatana, tottu ikkon dipastihon do hatana na di Bibel i dang berubah. d—Jesaya 40:8.

 Godangan jolma saonari dang diattusi be isi ni Bibel na disurat najolo. Hape Bibel i marisi “barita na uli” tu “saluhut bangso, suku, marga, dohot bahasa”. (Pangungkapon 14:6) Alani i, porlu ma diterjemahon Bibel di bahasa na diattusi nasida asa boi dijaha jala takkas diboto nasida aha na dipangido Debata.

 Adong tolu jenis gaya terjemahan ni Bibel:

•   Terjemahan kata per kata. Sebisa mungkin menerjemahon kata per kata songon na adong di teks aslina.

•   Terjemahan gagasan per gagasan. I ma terjemahan na mamakke hata na lapatanna sarupa tu hata na adong di teks aslina.

•   Terjemahan paraphrase. I ma terjemahan na menyusun ulang teksna. Tujuanna asa tabo dijaha. Alai terjemahan paraphrase na terlalu bebas, boi mambahen makna na di ayat i gabe hurang takkas.

 Terjemahan ni Bibel na denggan, i ma terjemahan na paboahon hata ni Debata na sesuai tu teks aslina jala mamakke bahasa na modern asa boi mura diattusi halak. e

 Ala Debata do Pengarang ni Bibel, Ibana do na marhak mamutusson aha na lao disurat di Bibel. Bangso Israel do na parjolo dipillit Debata. “Tu nasida do dipasahat Debata hatana”, asa dijaga nasida Akka Bukku Heber.—Rom 3:2.

 Daong. Nga lengkap be sude Bibel i. Dang adong bukku na mago. Adong do piga-piga na mandok, adong do akka bukku najolo na ditabunihon jala termasuk do i bagian ni Bibel. f Alai lao patuduhon na sittong isi ni Bibel i, ikkon diihutton do aturan naung ditottuhon. (2 Timoteus 1:13) Alani aturan i, sude bukku na di Bibel i do na sian Debata ala sesuai do sude isina jala dang adong na maralo. Alai bukku najolo na didok nasida bagian ni Bibel, dang boi tadok songon i ala dang sesuai isina. g