Bibel i ntoñol i kaat Bibôdle 22:6 le inyu kôôba i ti sesema i homa nu a bé nye haa, Abraham a bi yoñ “tjéé inyu sesema i ntul i hiéé, a bééga tjo man wé Isak, a yoñ hiéé i woo wé, yak ni ngwende, ni bo iba ba ke lôñ.”

Bitilna bi ntoñol bé lelaa ba bé kwiye hiéé i ngéda kôba. Inyu toñol nlôñ kaat unu, batoñol Bibel bahogi ba nhémle bé le Abraham bo Isak “ba bé le ba tééda hiéé hi nloñ mu ntandaa wap liké.” Jon inyu yap, i nla ba le ba bi gwélél ngim jam i i bi hôla bo i kwiye hiéé.

Ndi bape ba nhoñol le i kwiye hiéé ngéda kôba i bé bé jam li ntomb. I nene le bôt ba bé tehe loñge i yoñ makalak ma hiéé yak mut wap libôk ilole ba noode kwiye hiéé bomede. Jon ngandak batoñol Bibel i nhoñol le Abraham a bé a bééga séya i i bééna makalak ma hiéé, ma a bi yôñôl mu hiéé ba bi kwiye i hilo hi bi tagbe. Bebeg le i séya i i bééna nsañ u kei kiki gwélél. (Yésaya 30:14) Makalak ma hiéé ba bé hiômna hala, ba bé le ba pala gwélél mo lôñni tjéé inyu koda hiéé to imbe ngéda mu liké jap.