Inyu kôna Yésu, ba . . .
MUT NGÔÔ
Mu kiki a bé peles, Yésu a bi kôhna bé mandutu momasôna ni nduña yosôna bôt bape ba mboma. Ndi hala a bi tuga bé nye i unda bôt ba binam ñem ngôô. A bé bebee i ti nyemede inyu yap, a bé yak bebee i boñ iloo mam ma bé béda. Ntiik, ngôô i bé tinde nye i hôla bape. Béñge dihéga i bipes 32, 37, 57, 99.
MUT BA NKÔÔGE BEBEE
Mintén mi bôt nwominsôna—boñge ni mimañ mi bôt—mi bé nôgda le mi nla kôôge Yésu bebee inyule a bé unda bé le a nlôôha ba nseñ tole a nloo bape. Kiki ba bé tehe le Yésu a ntôñ toi bo, ba bé maséé i ba ni nye. Inyu tehe i jam li, béñge bipes 25, 27, 95.
MUT MASOOHE
Yésu a bé soohe Isañ hiki ngéda. A bé boñ hala ngéda a bé nyetama, ni ngéda a bé ni bagwélél ba Djob bape. A bé soohe inyu ngandak mam, he ndik bé ngéda je. A bé soohe inyu ti Isañ mayéga, inyu bégés nye, tole inyu yéñ maéba mé nwaa le a nyoñ makidik makeñi. Wan dihéga di yé i bipes 24, 34, 91, 122, 123.
MUT A NTÔÑ NDIK BÉ NYEMEDE
To hala kiki i bé le i ba nye loñge i noi ni i tégbaha loñge ngéda, Yésu a bé a mbii gwéñe bi bôt bape bisu. A bé tôñ ndik bé nyemede. Ni i njel i, a bi yigle bés loñge ndémbél i di nla noñ. Nigil lelaa i jam li li nene i bipes 19, 41, 52.
MUT A NWÉHÉL
Yésu a bi niiga ndik bé nseñ i nwéhél, ndi mu kiki a bé niñ ni banigil bé ni bôt bape, a bi unda lelaa ba nwéhél bôt. Soñda le mu dihéga di nkoba i bipes 26, 40, 64, 85, 131.
MUT MAKÉND
I bé ntilga le libim li bôt li Lôk Yuda li bé lama tjél neebe Mésia, ni le baoo bé ba bé lama nol nye. Jon i bé jam li ntomb inyu Yésu i tjél ti nyensôna inyu hôla bape. Ndi, ni ngandak makénd a bé sôñ bañga bibégés. Kiki bôt bahogi ba bé lama tjél emble banigil, tole ba bé lama lona bo ngolba, Yésu a bi yigle bo loñge ndémbél. Béñge bipes 16, 72, 103.
MUT SUHULNYUU
Yésu a bé lel bikwéha bi bôt ikété ngandak manjel, kiki héga, i yi ni i pék. Ibabé pééna, libak jé li mut a yôni li bé ti nye ngap i boñ mam bape ba bé bé le ba boñ. Ndi to hala, ni suhulnyuu a bi gwélél bape. W’a léba biniigana mu jam li i bipes 10, 62, 66, 94, 116.
MUT WONGUT
Yésu a bi waa bé hônba baôma ni bôt bape to ngéda ba bé la bé noñ ndémbél yé ni i bii mam a bé kal bisélél. Ni wongut a bi ke ni bisu i bigdaha bo biniigana ba bééna ngôñ inyu kôôge Yéhôva bebee. Béñge dihéga di wongut i Yésu i bipes 74, 98, 118, 135.
