Kaat Titô 1:1-16
1 Me Paul, nkol u Nyambe ni ñôma nu Yésu Kristô inoñnaga ni hémle i mimpohlak mi bôt ba Nyambe lôñni bañga yi i maliga i i yé inoñnaga ni ndéñbe i gwélél Nyambe,
2 yon i niñne i ngii botñem i niñ boga+ le Nyambe nu a nla bé tembee+ a bi bôn ibôdôl kôba;
3 ndi i ntéak wé ngéda, Ntohol wés le Nyambe a bi boñ le bôt ba yi bañga yé ni njel likalô a bi ti me+ inoñnaga ni oda yé;
4 me ntilna Titô, bañga yem man inoñnaga ni hémle di gwé lôñ:
konangoo i mbuma ñañ ni nsañ bi nlôl yak Nyambe Tata ni yak Kristô Yésu Ntohol wés bi ba ni we.
5 Me bi yék we i Kréta inyu boñ le u kodol mam ma téé bé,* u téé ki mimañ ikété hiki tison, kiki me bi niiga we le:
6 mañ u likoda u nlama ba* nginsohi, u ban-ga nwaa wada, u ban-ga bon ba nhémle, ba bôt ba ñôm bé nsohi le ba niñ ikété mpuñgu* tole ba yé ndok.+
7 Inyule kiki kindak Nyambe, mañ u likoda u nlama ba mut nu a yé nginsohi, a ba bañ mut ño mbe,*+ to mut nu a mpala unup,+ to mut lihiua, to mut bisañ,* to mut a gwé huluk ñem i je bôt nseñ,
8 ndi a ba mut a nyi leege bakén,+ mut a ngwés mam malam, mut a nyi hek pék,*+ a bak mut a téé sép, mut ndéñbe,+ mut hôtnyuu,+
9 mut nu a ntéñbe ni bañga i maliga* i ngéda a niiga;*+ inyu boñ le a gwélél biniigana bi bi yé maliga* inyu ti makénd*+ ni inyu kodol i bôt ba nkolba biniigana.+
10 Inyule bôt ba ndok ba yé ngandak, bôt ba bipopoda ni bôt ba malôga, téntén ba ba ntéñbe ni likwee.+
11 I mbéda le u yip bo manyo, inyule bo yaga bon ba nke ni bisu i tjé hémle i mahaa* hala kiki ba niiga mam ba nlama bé niiga le ndi ba kôhna yéñe i malôga.
12 Mut wada ikété yap, mpôdôl wap yaga, nyen a bi kal le: “Bôt ba Kréta ba yé bôt ba bitembee ngéda yosôna, ba yé binuga bi bikai bi bi nyai, bôt ba mbéna je ni bôt ba yeñgi.”
13 I mbôgi ini i yé maliga. Inyu njom ini nyen kee ni bisu i kodol bo bañga likodlak inyu boñ le ba ba mbôô ikété hémle,
14 ba emble bañ miñañ mi bitembee mi Lôk Yuda ni mambén ma bôt ba ba nkôm maliga mbus.
15 Mam momasôna ma mpôp inyu bôt ba mpôp;+ ndi yom to yada i mpôp bé inyu bôt ba mahindi ni ba ngi hémle, inyule mahoñol map ni kiññem yap bi yé mahindi.+
16 Ba ñañal i mbamba le ba nyi Nyambe, ndi ba ntañba nye ni minson+ nwap inyule ba yé bôt a kôli oo, bôt ba ba nôgôl bé nye, ba nlémél bé to nye, ba nla bé to gwel nson nlam wo ki wo.
Ndoñi
^ Tole “u yônôs mam ma nhañ.”
^ Ni hop Grikia, “ibale ngim mut i yé.”
^ Tole “yubda.”
^ Hala wee, a mboñ ndik yom a nkit.
^ Hala wee, i ôm mut bikut tole i leñ nye bibuk.
^ Tole “mut a nyi wan mam; mut a ntôñ bôt bape.”
^ Tole “nwin di kôli bôdôl ñem.”
^ Tole “a gwélél likeñge jé inyu niiga.”
^ Tole “biniigana bilam; biniigana bi bi yé nseñ.”
^ Tole “ti maéba.”
^ Ni hop Grikia, “i puñgul mandap ma mahaa.”
