”Ia harus seleg lan jemet megaé apang ngidaang nulungin anak ané  kuangan.”​—EPESUS 4:28.

Penciptan iraga seneng yén iraga seleg megaé. Nyénje ané  seleg megaé ia lakar lebih bagia krane ia bise nyukupin kebutuhané pedidi lan keluargané. Mungkin ia  bise nulungin anak lén ané merluang bantuan. Kéto masi ia bise sayangange tekén majikané. Intiné, anaké ané seleg megaé cenik kemungkinané ia kélangan gegaén. Ené cocok ajak ape ané ketulis di Cakepan Suci ané ngorahang yén ngerasaang hasil pagaé, ené ”hadiah uli Tuhan.”​— Guru Pangajian 3:13.

”Tiang percaye yén atin tiangé jujur, lan tékad tiangé nyalanang mekejang ané jujur.”​—IBRANI 13:18.

Yén sube jujur, iraga ngelah harga diri, merase tenang, lan tis pulesé. Kéto masi, anak lén bise percaye lan hormat ajak iraga. Anaké ané tusing jujur lakar  ngerugiang dewekné pedidi. Kéto masi idupné bise tusing tenang, merase jejeh krane ia bise ketare.

”Ede bes demen tekén pis, merase puasje tekén ané sube ade.”​—IBRANI 13:5.

Iraga perlu pis buat meli dedaaran lan kebutuhan idup ané lénan. Kéwale, yén ”bes demen tekén pis” ento bahaya. Ento bise ngeranaang anaké liu ngorbanang waktu lan tenaga apang liunan ngelah pis. Ulian ngepungin pis perkawinané bise renggang, sing ngelah waktu ajak panak lan kesehatané terganggu. (1 Timotius 6:9, 10) Kéto masi, anaké ané mentingang pipis, bise tergoda tusing jujur. Ade anak bijak ngorahang, ”Anaké ané satie lakar liu nerima merta, kéwale anaké ané dot énggal sugih tusing bebas uli masalah.”​—Pitutur 28:20.

”Tetepje bijak lan biasaang mekeneh malu.”​—PITUTUR 3:21.

Pendidikan ané luung bise nulungin iraga dadi anak bajang lan anak tue ané bertanggung jawab. Kéwale pendidikan ané luung dogén tusing dadi jaminan lakar terus merase aman lan bagia. Apang mekejang ané kejalanang berhasil, iraga merluang pendidikan ané tekané uli Tuhan. Di Cakepan Suci ketulis, anaké ané nyak ningehang Tuhan, ”Apeje ané gaéne lakar berhasil.”​—Kidung 1:1-3.